'The President and the Vice President do not share the same views!'

'The President and the Vice President do not share the same views!'—Usec. Castro

By Mc Vincent Mirabuna

June 01, 2026

Inilahad sa publiko ni Palace Press Officer at Presidential Communications Office (PCO) Usec. Claire Castro ang pagkakaiba raw ng mga paniniwala at pamumuno nina Pangulong Ferdinand “Bongbong” Marcos, Jr., at Vice President Sara Duterte.

Sa isinagawang press briefing ni Castro nitong Lunes, Hunyo 1, 2026, natanong siya ng media tungkol sa usapin ng tila ayaw mangyari ng Pangulo na maiba ang takbo ng kaniyang pamumuno kapag may pumalit na sa kaniya sa Halalan 2028.

Ayon kay Castro, tila lumalabas daw sa panahon ngayon ang pagkakaiba naman ni PBBM kay VP Sara lalo na sa kanilang mga paniniwala.

“Sa ngayon it appears that the President and the Vice President do not share the same views,” simula ni Castro.

Anang undersecretary, ipinaglalaban daw ng Pangulo ang karapatan ng mga Pilipino at ng Pilipinas sa West Philippine Sea (WPS) at laging nagtatrabaho nang hindi puro bakasyon.

“Ang Pangulo po pinaglalaban ang karapatan ng bawat Pilipino at interes ng Pilipinas sa West Philippine Sea. Nandyan po ang Pangulo na aksyon-aksyon hindi bakasyon,” aniya.

Buwelta ni Castro, hindi rin daw nagbabanta si PBBM sa iba at wala raw itong kilalang kahit sinomang assassin o mamamatay-tao.

“Hindi po siya ang Pangulo o isang liderato na naninira at nagbabanta sa buhay. Pinapahalagahan niya ang buhay ng bawat Pilipino at wala po siyang kilalang assassin,” patutsada niya.

Dagdag pa niya, “Hindi rin po niya kinukunsinti ang fake news. So marami po silang pagkakaiba.”

Diin pa ni Castro, higit sa lahat daw ay pinapanagot ng Pangulo ang mga kailangang managot na mga indibidwal na sangkot sa maanomalyang flood control projects ng Department of Public Works and Highways (DPWH).

“Pinapanagot ang dapat managot. Lalong lalo na ‘yong patungkol sa ghost projects at sa flood control mess na hindi nangyari noong nakaraang administrasyon,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon si VP Sara kaugnay rito.

KAUGNAY NA BALITA: Usec. Castro, dumepensa sa lumubog na -15 satisfaction rating ng Pangulo

Rep. Pulong kay PBBM: 'Without Sara Duterte, you would not have won by the margin that you did!'

Muling binanatan ni Davao City 1st District Rep. Paolo 'Pulong' Duterte si Pangulong Ferdinand 'Bongbong' Marcos, Jr. sa pamamagitan ng kaniyang opisyal na pahayag na naka-post sa kaniyang opisyal na Facebook page, nitong Lunes, Hunyo 1, 2026. Bagama't hindi tinukoy ang direktang pangalan, naniniwala ang mga netizen na ang 'Mr. Bangag' na binanggit niya sa simula...

Hiker na nahulog sa Mt. Apo dahil sa selfie, ligtas na!

Matagumpay na naiahon ng rescuers ang isang 37 taong gulang na babaeng hiker na nahulog sa bangin sa Mt. Apo noong Sabado, Mayo 30, 2026. Ayon sa mga ulat, binabaybay ng biktima at kapuwa hikers ang Kapatagan-Digos trail nang mangyari ang aksidente. Sinasabing umakyat umano ang babae sa isang malaking bato para doon mag-picture. Subalit matapos ang picture taking, ay bigla umanong umihip ang...

PNP, 'no need' bumuo pa ng manhunt team vs Sen. Bato!

Nanindigan si Philippine National Police (PNP) Chief Gen. Jose Melencio Nartatez, Jr., na hindi na raw nila kailangan pang bumuo ng karagdagang manhunt team para tugisin ang nagtatagong si Sen. Ronald “Bato” dela Rosa. Sa naging pahayag ni Nartatez sa isinagawa nilang press conference nitong Lunes, Hunyo 1, 2026, dinahilan niyang may kasalukuyan na raw kasing manhunt group ang nagsasagawa ng...