PNP, 'no need' bumuo pa ng manhunt team vs Sen. Bato!-Balita

PNP, 'no need' bumuo pa ng manhunt team vs Sen. Bato!

By Mc Vincent Mirabuna

June 01, 2026

Nanindigan si Philippine National Police (PNP) Chief Gen. Jose Melencio Nartatez, Jr., na hindi na raw nila kailangan pang bumuo ng karagdagang manhunt team para tugisin ang nagtatagong si Sen. Ronald “Bato” dela Rosa.

Sa naging pahayag ni Nartatez sa isinagawa nilang press conference nitong Lunes, Hunyo 1, 2026, dinahilan niyang may kasalukuyan na raw kasing manhunt group ang nagsasagawa ng operasyon para hanapin si Dela Rosa.

“There is no need to create another manhunt team to track down Sen. Bato dela Rosa because existing na ‘yan,” pagsisimula niya.

Ani Nartatez, patuloy pa rin daw sinusuyod ng pulisya ang lahat ng mga nakausap, address, at laging pinupuntahan ng naturang senador.

“All possible leads, all information we are pursuing. The Philippine National Police are pursuing… whether ito ay kausap, known address, known whereabouts at lagi niyang pinupuntahan, kinakausap niya ay ating pinu-pursue,” aniya.

Paliwanag ni Nartatez, naisumite na raw nila ang lahat ng kanilang mga tala at resulta ng kanilang naging imbestigasyon sa Department of Justice (DOJ) mula sa pananatili ni Dela Rosa sa Senado noong Mayo 12 hanggang makatakas ito sa mga awtoridad bandang 2:30 ng madaling-araw noong Mayo 14.

“We have presented the timeline that is our investigation from May 12 to May 14 of 2:30 a.m. We have transmitted the records of investigation to the Department of Justice,” aniya.

Paglilinaw pa niya, “When we say records of investigation, nandoon na po ‘yon lahat. The video, documented video meaning may affidavit diyan and saan nanggaling, records and documents [ay] nandyan na rin po. As well as the result of the laboratory or forensic activities coming from the forensic group.”

Pagpapatuloy ni Nartatez, naghihintay at aalamin pa lang daw nila sa DOJ kung may kailangan silang sampahan ng kaso sa mga personalidad o senador na nasa Senado noong makaalis si Dela Rosa.

“Ito po ay ini-forward natin sa Department of Justice for whatever case that deemed necessary kung puwedeng mag-file — whether criminal or administrative — to personalities who are there in the Senate,” pagtatapos pa niya.

KAUGNAY NA BALITA: Otits ni Sen. Padilla, Mao Aplasca, atbp., inisyuhan ng subpoena ng NBI!

Rep. Pulong kay PBBM: 'Without Sara Duterte, you would not have won by the margin that you did!'

Muling binanatan ni Davao City 1st District Rep. Paolo 'Pulong' Duterte si Pangulong Ferdinand 'Bongbong' Marcos, Jr. sa pamamagitan ng kaniyang opisyal na pahayag na naka-post sa kaniyang opisyal na Facebook page, nitong Lunes, Hunyo 1, 2026. Bagama't hindi tinukoy ang direktang pangalan, naniniwala ang mga netizen na ang 'Mr. Bangag' na binanggit niya sa simula...

'The President and the Vice President do not share the same views!'—Usec. Castro

Inilahad sa publiko ni Palace Press Officer at Presidential Communications Office (PCO) Usec. Claire Castro ang pagkakaiba raw ng mga paniniwala at pamumuno nina Pangulong Ferdinand “Bongbong” Marcos, Jr., at Vice President Sara Duterte. Sa isinagawang press briefing ni Castro nitong Lunes, Hunyo 1, 2026, natanong siya ng media tungkol sa usapin ng tila ayaw mangyari ng Pangulo na maiba ang...

Hiker na nahulog sa Mt. Apo dahil sa selfie, ligtas na!

Matagumpay na naiahon ng rescuers ang isang 37 taong gulang na babaeng hiker na nahulog sa bangin sa Mt. Apo noong Sabado, Mayo 30, 2026. Ayon sa mga ulat, binabaybay ng biktima at kapuwa hikers ang Kapatagan-Digos trail nang mangyari ang aksidente. Sinasabing umakyat umano ang babae sa isang malaking bato para doon mag-picture. Subalit matapos ang picture taking, ay bigla umanong umihip ang...