Anak ni Sen. Jinggoy, nag-dirty finger at minura si SILG Remulla!-Balita

Anak ni Sen. Jinggoy, nag-dirty finger at minura si SILG Remulla!

Ibinahagi ni Department of the Interior and Local Government (DILG) Sec. Jonvic Remulla sa media ang ginawa umano sa kaniya ng anak na babae ni Sen. Jinggoy Estrada, hinggil sa pag-aresto nila sa senador nitong Lunes, Hunyo 1, 2026.

Sa pagharap sa media ni Remulla, iginiit niyang nakatikim siya ng mura at dirty finger sa anak ng senador.

“There’s a slight altercation between me and his daughter. She gave me the dirty finger and cursed at me and I said, ‘It’s okay, I understand. You’re very emotional,’” ani Remulla.

Nang tanungin ng media kung kilala raw ba ni Remulla ang tinutukoy niyang anak ni Estrada, paglilinaw niya, “I don’t know this one.”

Paliwanag pa ni Remulla, “But I said, ‘It’s okay.’ It was not personal, nagging personal lang ang lahat.”

Nilinaw din ni Remulla na inaresto raw nila si Estrada, taliwas sa pahayag ng senador na siya ang sumuko sa mga awtoridad.

Nitong Lunes nang magpunta ang Criminal Investigation and Detection Group (CIDG) sa Senado kasama si Remulla upang arestuhin si Estrada.

Ito ay matapos na maglabas ng ikalawang arrest warrant ang Sandiganbayan laban kay Estrada, kaugnay ng kasong plunder na ‘non-bailable’ na isinampa ng Office of the Ombudsman.

Samantala kaugnay nito, nauna nang isiniwalat ni Estrada sa kaniyang presscon—ilang minuto bago ang pagsuko niya sa CIDG, na mananatili raw siyang miyembro ng Senate majority bloc, sa kabila ng pag-alok daw sa kaniya na lumipat sa minority, kapalit nang pagkaabswelto niya sa akniyang mga kaso.

“Maraming beses po akong inalok na talikuran ang independent majority bloc, kapalit ng pagbabasura sa aking kaso. Ngunit, hindi ko po ito tinanggap. Mas nanaig ang paninindigan ko, na ako'y manatili sa hanay ng mga kasamahan ko sa independent majority bloc,” ani Estrada.

Paliwanag pa niya, “I stand my ground, ngayon kung tatanungin n'yo kung sino sila, abangan ninyo ang susunod na kabanata.”

KAUGNAY NA BALITA: ‘I stand my ground!’ Sen. Jinggoy, niligawan daw ng minority bloc kapalit ng pag-abswelto sa kaso

Habang isinusulat ang artikulong ito ay kasalukuyan siyang nasa Sandiganbayan. Bago nito, nuna na munang dalhin sa Camp Crame si Estrada.

Nakatakda siyang ipiit sa New Quezon City Jail sa Payatas.

SP Cayetano hinamon, kinalampag ang minority bloc: 'Will you stand for the Senate’s independence?'

Nanawagan si Senate President Alan Peter Cayetano sa kaniyang mga kasamahang senador sa minority bloc na magkaisa sa pagtatanggol sa kalayaan at kasarinlan ng Senado sa gitna ng mga usaping bumabalot sa liderato at operasyon ng mataas na kapulungan. Sa kaniyang bukas na liham para sa mga kasapi ng minority, nitong Lunes, Hunyo 1, iginiit niya na ang Senado ay isang kapantay na sangay ng pamahalaan...

Majority bloc, no show: Sigaw ni Sen. Zubiri, 'We're just waiting, we're ready to work!'

Handa raw ang Senate minority bloc na hintayin ang mga kasamahang senador sa majority bloc, matapos na walang sumipot sa kanila, sa pagbabalik ng plenary session nitong Lunes ng hapon, Hunyo 1, ayon kay Sen. Juan Miguel Zubiri. Kapansin-pansing wala ang mga senador ng mayorya sa kanilang mga upuan, kabilang na si Senate President Alan Peter Cayetano, matapos ang kusang pagsuko ni Sen. Jinggoy...

Rep. Luistro, nais maalala ng publiko bilang nanindigang solon mula sa Batangas!

Inilahad sa publiko ni Lead House Prosecutor at Batangas 2nd District Rep. Gerville Luistro na hangarin daw niyang maalala siya ng mga Pilipino bilang congresswoman na tumindig para sa interes ng publiko. Matatandaang si Luistro ang tumayong chairperson ng House Committee on Justice sa naging pagsisiyasat ng Kamara sa impeachment complaints laban kay Vice President Sara Duterte. Sa...