Naghayag ng suporta ang Adamson University (AdU) College of Law sa paglulunsad ng Extrajudicial Killings (EJK) Truth Commission na pinangunahan ng iba’t ibang human rights advocates, faith leaders, at civil society groups.
Sa isang Facebook post ng AdU nitong Biyernes, Mayo 29, sinabi nila na bilang Vincentian institution, naninindigan sila na dapat umanong marinig, maprotektahan, at maikuwentong muli ang katotohanan.
“As a Vincentian institution of legal learning, we affirm that truth must be heard, safeguarded, and retold, so that similar atrocities are never again committed, especially when committed under the guise of protecting national security,” saad ni Atty. Ann Maria D. Abad, dekana ng College of Law.
Dagdag pa niya, “With confidence in the solidarity of our people and trust in the rule of law, we hope these efforts may contribute to a future where 'justice will flow like a river and righteousness like an overflowing stream.’”
Kaya naman itatalaga umano nila ang kanilang sarili sa pagbabantay at pagsusulong ng katotohanan, katarungan, at tuntunin ng batas sa mga komunidad na kanilang pinagsisilbihin at sa mismong propesyon nila.
'Di kami matitinag!' Gabriela Women's Party, sinagot indirect contempt case ni Topacio vs. Elago
Matatandaang ayon sa ulat ng Manila Bulletin, layunin daw ng independent at civilian-led body na maitala at makabuo ng isang kapani-paniwalang public account hinggil sa umano’y EJK at iba pang human rights abuses sa bansa, halos sampung taon matapos lumala ang mga pagpaslang kaugnay ng war on drugs noong 2016.
Si Caloocan Bishop Pablo Virgilio David ang tatayong adviser ng komisyon upang mapanatili umano ang integridad, pagiging independent, at paninindigan nito para sa katotohanan, hustisya, at paghilom.
Maki-Balita: EJK Truth Commission, inilunsad; human rights group, ilalantad drug war killings!
