Tumirada si Batangas 1st District Rep. Leandro Leviste tungkol sa umano’y sinabi ni Sen. Imee Marcos na makakatanggap ng ₱20 milyon ang mga mambabatas sa Kamara na papabor sa impeachment case laban kay Vice President Sara Duterte.
Ayon sa naging pahayag ni Leviste sa sinimulang plenaryo ng Kamara nitong Lunes, Mayo 11, 2026, sinabi niyang gusto lang daw niyang linawin kung totoo ang naturang pahayag ni Sen. Imee.
“Senator Imee Marcos said that those who vote for the impeachment will get ₱20 million,” pagsisimula niya.
Dagdag pa niya, “I just wanted to make it clear if this is true or not.”
Ani Leviste, kung totoo raw ang pahayag na ito ng senador, dapat daw na makatanggap na rin ng ₱20 milyon ang lahat ng bobotong mambabatas sa House plenary maging pabor o hindi man sila pabor.
PNP, susunod sa kautusan ng DOJ na ipatupad arrest warrant ng ICC vs Sen. Bato
“If it’s true then it should be made public. And if some are getting the ₱20 million and some are not getting the ₱20 million, then it should at least be fair that everyone who votes gets ₱20 million,” aniya.
Diin pa niya, “And those who do not vote hopefully should also be given that.”
Pagpapatuloy pa niya, hindi raw dapat ilaan ang buwis ng taumbayan para lamang sa boto ng mga mambabatas.
“This is tax payers money and should not be allocated on the base of your vote on the impeachment,” pagtatapos pa niya.
Habag sinusulat ito, kasalukuyan nang nagsimula ang House plenary kung saan nakatakdang bumoto ang lahat ng mga miyembro ng Kamara kung papabor ba sila o hindi sa impeachment case laban kay VP Sara.
Sa House plenary, kinakailangang makakuha ng one-third na boto mula sa mga kongresista ang naturang impeachment case laban sa Bise Presidente bago ito tuluyang umakyat sa Senado.
KAUGNAY NA BALITA: Rep. Gerville Luistro, nanindigang dumaan sa due process impeachment case vs VP Sara!
