Ibinahagi ng Malacañang sa publiko ang bagong impormasyong nalaman nila tungkol sa mga kinikilos sa labas ng bansa ni dating Ako Bicol Partylist Rep. Zaldy Co.
Ayon sa isinagawang press briefing ni Palace Press Officer at Presidential Communications Office (PCO) Usec. Claire Castro nitong Martes, Abril 28, 2026, iniulat niyang natanggap na nina Department of Justice (DOJ) Acting Secretary Fredderick Vida at Department of Foreign Affairs (DFA) Sec. Tess Lazaro sa Czech Republic ang opisyal na impormasyong tungkol kay Co.
Ani Castro, kumpirmado raw na kasalukuyang wala na sa kustodiya ng Czech Republic ang tinutugis na dating mambabatas.
“Sa kasalukuyan, kumpirmadong wala na sa kustodiya ng Czech authorities si Zaldy Co,” aniya.
Sa kabila umano nito, nakatanggap naman daw ang DFA ng impormasyong umapela si Co ng political asylum sa bansang France.
PNP, susunod sa kautusan ng DOJ na ipatupad arrest warrant ng ICC vs Sen. Bato
“Meanwhile, the DFA has received highly reliable information that Zaldy Co has a pending petition for political asylum in France,” pagbabahagi ni Castro.
Dagdag pa niya, “He has been requested to be transferred to and is now under the jurisdiction of French authorities.”
Pagtitiyak ni Castro, naatasan na raw ang mga bansa sa Europa na magbigay sa kanila ng opisyal na kumpirmasyon tungkol kay Co.
“All nations in Europe have been instructed in further official confirmation,” pagtatapos pa niya.
KAUGNAY NA BALITA: DOJ, inaming 'di ‘technically’ inaresto ng Czech si Zaldy Co
KAUGNAY NA BALITA: 'Zaldy Co, kumuha ka ng asylum dahil papatayin at papatayin ka!'—Atty. Roque
