Mariing pinabulaanan ni United States (US) President Donald Trump sa isang mamamahayag ang mga paratang umano sa kaniya ng nahuling suspek sa shooting incident na naganap sa White House noong Abril 25, 2026, na isa raw siyang pedophile at rapist.
Ayon sa naging panayam sa segment na “60 minutes Overtime” ng isang international news media outlet kay Trump noong Linggo (araw sa US), Abril 26, mapapanood na harapang binasa ng host na si Norah O’Donnell ang iniwang manifesto ng nahuling suspek bago pa siya sumugod sa loob ng White House.
“The so-called manifesto is a stunning thing to read, Mr. President. He appears to reference a motive in it,” pagsisimula ni O’Donnell.
Pagpapatuloy niya, “He writes this quote, ‘Administration officials, they are targets.’ and he also wrote this, ‘I will no longer be willing to permit a pedophile, rapist, and traitor to coat my hand with his crimes.’”
Agad namang bumuwelta si Trump sa pagbabasa ng mamamahayag at diretsahan niyang sinabing “horrible people” si O’Donnell at iba pang hindi niya direktang binaggit.
24 tripulanteng Pinoy ng MV Hondius, sasailalim sa 42-day quarantine sa The Netherlands
“I was waiting for you to read that because I knew you were a horrible people. Yeah he did write that,” sagot ni Trump.
Diin niya, “I’m not a rapist. I didn’t rape anybody.”
Usisa naman ni O’Donnell kay Trump, “You think he was referring to you?”
Ani Trump, hindi raw siya “pedophile” at dinepensa niyang sadya raw talagang maraming mga bagay ang naiidikit sa kaniya.
“Excuse me. I’m not a pedophile. You read that crap from some sick person. I got associated with all stuff that has nothing to do with me,” aniya.
Dagdag pa niya, “I was totally exonerated. Your friend on the other side of the plate is the one that was involved with, let’s say, Epstein or other things.”
Buwelta pa ni Trump, isang “disgrace” daw si O’Donnell dahil sa pagbabasa pa nito ng manifesto ng naturang suspek sa nangyaring shooting incident dahil hindi raw totoo ang mga alegasyong iyon.
“But I said to myself, you know I’ll do this interview and probably I will read the manifesto. He’s a sick person. But you should be ashamed to yourself reading that because I’m not any of those things,” saad niya.
“Excuse me. You shouldn’t reading that on 60 minutes. You’re a disgrace,” pagtatapos pa niya.
Samantala, matapos nito, nagpatuloy naman na sina Trump at ang mamamahayag sa kanilang panayam.
KAUGNAY NA BALITA: Trump, sinadyang 'wag agad umalis sa shooting sa White House!
