Winakasan na ng R&B singer na si Kris Lawrence ang lumulutang na bulung-bulungan tungkol sa estado ng relasyon nila ng dati niyang nobyang si Kapuso star Katrina Halili.
Sa latest episode ng “Fast Talk with Boy Abunda” noong Biyernes, Abril 24, sinabi ni Kris na hindi raw totoong nagkabalikan sila ni Katrina.
Aniya, “Hindi kami nagkabalikan, Tito Boy. But like I said, I really, really, really grateful for this time that we have together.”
“Because honestly, when we became okay this year 2026, Katie has been probably the best that I’ve seen her. Her smile has been more genuine,” dugtong pa ni Kris.
Sa kasalukuyan, co-parenting ang setup nina Kris at Katrina para sa kanilang nag-iisang anak.
Bago mag-med school: Rabiya Mateo, sinulit ni Jake Cuenca sa Hong Kong!
“We’re doing this all for Katie. Where the road leads, we don’t know. But at least it’s fun,” saad ni Kris.
Nauna nang uriratin si Katrina tungkol sa tsikang nagkabalikan umano sila ni Kris ngunit mas pinili ng aktres na hindi sagutin ang naturang tanong.
“Secret,” sabi niya sa panayam ni Nelson Canlas. “Wala tayong sasagutin, bawal daw. Bawal daw po sumagot.”
Maki-Balita: Kris Lawrence, Katrina Halili nagkabalikan na?
Matatandaang kamakailan lang ay kinakiligan ng netizens ang paglalaro ng pickleball nina Katrina at Kris sa isang commercial pickleball court sa Meycauayan, Bulacan, na dahilan para mabuo ang espekulasyong nagkabalikan na nga sila.
Maki-Balita: Fans kinilig, asang-asa! Mag-ex na Katrina Halili, Kris Lawrence nag-pickleball
