Idiniin sa publiko ni United States (US) President Donald Trump na hindi raw sila kailanman gagamit ng nuclear weapons laban sa bansang Iran. 

Ayon sa inilabas na video ng international news media outlet sa naging panayam nila kay Trump noong Huwebes (araw sa US), Abril 23, 2026, mapapanood ang tila hindi pagsang-ayon ng Pangulo sa tanong ng isang mamamahayag kung gagamit ba raw sila ng nuclear weapons sa katunggali nilang bansa. 

“Sir, would you use a nuclear weapon against Iran?” usisa ng reporter kay Trump. 

Ani Trump, bakit naman daw nila kailangang gumamit ng nuclear weapons sa Iran at bakit pa raw kailangan itong itanong. 

“No. Why would I need it? Why would a stupid question like that be asked?” buwelta niya. 

Internasyonal

24 tripulanteng Pinoy ng MV Hondius, sasailalim sa 42-day quarantine sa The Netherlands

Pagpapatuloy niya, nalabanan naman daw nila ang Iran nang hindi gumamit ng nuclear weapons. 

“Why would l use a nuclear weapon when we’ve totally, in a very conventional way, decimated them without it?” aniya. 

Saad pa niya, wala raw sinoman ang dapat na gumamit ng nuclear weapons dahil masyado itong mapanganib. 

“A nuclear weapon should never be allowed to be used by anybody,” pagtatapos pa niya. 

Samantala, sa parehong panayam, sinabi rin ni Trump na hindi niya pinayagan ang alok ng Iran sa kaniya na buksan na muli ang Strait of Hormuz dahil maaari raw kumita ang Iran ng $500 milyon sa loob ng isang araw. 

Diin ni Trump, ayaw raw niyang makalikom ng nasabing halaga ang Iran sa bawat araw hanggang hindi nila naaayos ang kanilang kasunduan, kaya siya raw ang mananatiling magsasara ng nasabing lagusan. 

“They came to us and they said, ‘We will agree to open the strait.’ And all my people were happy, except me. I said, ‘Wait a minute, if we open the strait, that means they're gonna make $500 million a day.’ I don't want them to make $500 million a day until they settle this thing,” pagkukuwento niya. 

“So I'm the one who kept it closed,” paliwanag pa niya. 

KAUGNAY NA BALITA: 'The Iranian crew refuse to listen!' US, inatake cargo ship ng Iran