Trillanes, inanyayahang dumalo sa impeachment hearing sa Abril 22!-Balita

Trillanes, inanyayahang dumalo sa impeachment hearing sa Abril 22!

By Mc Vincent Mirabuna

April 21, 2026

Inaasahan ng House Committee on Justice na makakadalo sa kanilang kasunod na pagdinig si dating senador Antonio “Sonny” Trillanes IV sa darating na Miyerkules, Abril 22, 2026.

Ayon sa lumabas na mga ulat nitong Martes, Abril 21, batay sa dokumentong ipadala ng House Committee on Justice kay Trillanes, mababasang direktang inatasan ng Komite ang huli na dumalo sa kanilang pagdinig na gaganapin sa 2nd Floor ng People Center sa House of Representatives.

Pinadadala ng Komite kay Trillanes ang orihinal na mga kopya ng dokumentong may kaugnayan sa umano’y hindi maipaliwanag na yaman ni Vice President Sara Duterte.

“You are hereby directed to appear before the Committee on Justice on April 22, 2026, 10:00 A.M., at the 2nd Floor of the People Center, House of Representatives, and to submit/bring the following documents on or before April 22, 2026, 10:00 Α.Μ,” anila.

“Original or certified true copies of documents in connection with the allegations in the impeachment complaints of unexpected wealth, which Vice President Sara Z. Duterte failed to reflect in her Statement of Assets, Liabilities, & Net Worth,” mababasa sa kolum ng dokumentong pinupunto ng Komite.

Layunin ng pagdalo ni Trillanes sa Kamara na magbigay testimonya tungkol sa mga accounts umano na ginamit nina dating Pangulong Rodrigo Duterte kasama si VP Sara para mag-deposit at mag-transfer ng milyon-milyon o bilyong halaga ng salapi.

“To testify that Rodrigo Duterte, jointly with his daughter, Vice President Sara Z. Duterte maintained numerous accounts where hundreds of millions if not billions of pesos were deposited/transferred over the years, and other related matters,” diin nila.

Paalala naman ng Komite, may karapatan daw na magsama si Trillanes ng kaniyang legal counsel para sa pagdinig, ngunit magiging limitado lamang ang posisyon nito bilang advisor at hindi maaaring magsalita o makiisa sa kanilang impeachment hearing.

May mga batas umanong malalabag si Trillanes kung hindi niya magagawang tumugon sa pag-uutos nilang ito.

Samantala, habang sinusulat ito, wala pa namang inilalabas na pahayag, tugon, o reaksyon si Trillanes kaugnay rito.

KAUGNAY NA BALITA: Majority bloc, pinulong ni SP Sotto sa posibilidad na pag-akyat ng impeachment ni VP Sara sa Senado

Suspek sa genocide na nililitis sa international court sa The Hague, patay na!

Pumanaw na ang isa sa mga pangunahing suspek sa 1994 Rwandan genocide na si Felicien Kabuga habang nahaharap sa paglilitis sa international court sa The Hague, Netherlands, ayon sa mga ulat ng international news outlets. Kinumpirma ng International Residual Mechanism for Criminal Tribunals ng United Nations (UN) na namatay si Kabuga sa isang ospital noong Sabado, Mayo 16, na nasa edad 90. Si...

35 Pinoy sa Qatar, ligtas nang nakauwi sa bansa!

Aabot sa 34 na Overseas Filipino Workers (OFWs) at isang dependent mula sa bansang Qatar ang matagumpay nang nakauwi sa bansa, batay sa ulat ng Department of Migrant Workers (DMW). Ayon sa DMW noong Sabado, Mayo 16, ito ay bahagi ng repatriation program ng bansa para sa mga Pilipinong sa kasalukuyan ay nasa Gitnang Silangan. Anang DMW, lulan ang 35 Pinoy ng Qatar Airways Flight QR934 sa Ninoy...

Muling pagkalat ng Ebola disease, isa nang ‘international concern’ – WHO

Itinaas na ng World Health Organization (WHO) bilang “public health emergency of international concern” ang muling pagkalat ng Ebola disease. Batay sa inilabas na pahayag ng WHO nitong Linggo, Mayo 17, batay sa kanilang tala noong Sabado, Mayo 16, ang Ebola disease, na dulot ng Bundibugyo virus, ay mayroon ng walong laboratory-confirmed cases, 246 suspected cases, at 80 suspected deaths,...