Inihayag ni Senate President Vicente “Tito” Sotto III na kinausap na raw niya ang Senate Majority Bloc hinggil sa posibilidad ng tuluyang pag-akyat sa kanila ng impeachment ni Vice President Sara Duterte mula sa Kamara.
Sa panayam ng media kay Sotto, nitong Lunes, Abril 20, 2026, iginiit niyang may niluluto raw siyang programa sa Rules of Court kaugnay sa inaasahang pag-akyat ng impeachment ni VP Sara sa Senado.
“Yes, I just wanted to give my colleagues a heads up on the possibility of receiving the Articles of Impeachment from the HOR. It’s best that we prepare for it as senator judges. I am undergoing a crash program on the Rules of Court to jibe with our own Rules,” ani Sotto.
Sa kasalukuyan, nananatili pa rin sa kamay ng House Committee on Justice ang impeachment case laban kay VP Sara.
Inaasahang magtatapos umano ang kanilang pagdinig sa darating na Abril 29.
Sen. Loren, niligwak na rin ng Kislap Diwa na pinangangasiwaan niya!
Sa pagtatapos ng pagtalakay ng Kamara sa impeachment case, kinakailangan nilang makakuha ng ⅓ na kabuuang bilang ng mga mambabatas sa Kamara bago ito tuluyang maiendorso sa Senado.
Nakatakda namang tanggapin ng Senate Secretary General ang articles of impeachment bago ito dalhin sa tanggapan ng Senate President, at saka ito susundan ng pag-convene ng Senado bilang impeachment court kung saan tatayong senator judges ang mga senador.
KAUGNAY NA BALITA: ALAMIN: Paano nga ba umaarangkada ang impeachment process sa Kamara at Senado?
