Iniulat ng Light Rail Manila Corporation (LRMC) na magpapatuloy na ang “full operation” ng LRT-1 ngayong Huwebes ng hapon, Abril 16.
Kasunod ito ng napaulat na “limited operation” bunsod ng isang technical fault sa Vito Cruz Station.
MAKI-BALITA: LRT-1, nagkaaberya; 'limited operations' sa kasalukuyan
Ayon sa LRMC, naka-green and go na ang 25 estasyon ng LRT-1, kung saan magpapatuloy na ang operasyon mula Dr. Santos Station hanggang Fernando Poe Jr. Station (vice versa).
Nagpapasalamat sila sa pang-unawa at pasensya ng mga naapektuhang pasahero.
Family driver, ninakawan amo ng ₱640k halaga ng alahas; bisto matapos ibenta online
“Pasensya na po at ingat po kayo sa biyahe,” anang LRMC sa kanilang pahayag.
Nang mapaulat ang limitadong operasyon ng LRT-1 dahil sa aberya, ibinahagi ng LRMC na sila ay nagkasa ng isang libreng sakay mula Central Station hanggang Baclaran Station (vice versa) katuwang ang Department of Transportation (DOTr).
