Nagawang magpasalamat ng Iran sa bansang Pakistan dahil sa wala umanong kapaguran nitong patigilin ang digmaan sa Middle East.
KAUGNAY NA BALITA: Pakistan PM, inanunsyo ceasefire ng Iran, US at iba pa!
Ayon sa naging pahayag ng Foreign Minister ng Iran na si Seyed Abbas Araghchi nitong Miyerkules (araw sa Pilipinas), Abril 9, pinaghalagan niya ang mga ginagawa umano nina Pakistan Prime Minister Shehbaz Sharif at Field Marshal Asim Munir sa pagsusulong ng kapayapaan.
“On behalf of the Islamic Republic of Iran, I express gratitude and appreciation for my dear brothers HE Prime Minister of Pakistan Sharif and HE Field Marshal Munir for their tireless efforts to end the war in the region,” pagsisimula niya.
Photo courtesy: Seyed Abbas Araghchi (X).
'The Iranian crew refuse to listen!' US, inatake cargo ship ng Iran
Ani Araghchi, idinedeklara niyang ititigil ng Iran ang mga defensive operation nila sa kanilang bansa kung titigil umanong umatake ang United States (US) at iba pang mga kalaban nito.
Aniya pa, pagtugon ito sa kahilingan umano ng Pakistan at pagkonsidera sa pakikipagnegosasyon ng US sa kanila.
“In response to the brotherly request of PM Sharif in his tweet, and considering the request by the U.S. for negotiations based on its 15-point proposal as well as announcement by POTUS about acceptance of the general framework of Iran's 10-point proposal as a basis for negotiations,” aniya.
Deklarasyon pa niya, “I hereby declare on behalf of Iran's Supreme National Security Council:If attacks against Iran are halted, our Powerful Armed Forces will cease their defensive operations.”
Pagpapatuloy ni Araghchi, bubuksan daw nila ang Strait of Hormuz na tatagal sa loob ng dalawang linggo basta at makipag-ugnayan lang ang mga daraan dito sa kanilang mga militar.
“For a period of two weeks, safe passage through the Strait of Hormuz will be possible via coordination with Iran's Armed Forces and with due consideration of technical limitations,” pagtatapos pa niya.
Kaugnay nito, matatandaang inanunsyo ni US President Donald Trump sa kaniyang Truth Social account nito ring Miyerkules, Abril 8, na sumang-ayon siya sa hiling nina Sharif na huwag ituloy ang babala sa Iran.
Ani Trump, ititigil ng US ang pag-atake sa kalabang bansa na tatagal sa loob ng dalawang linggo.
“I agree to suspend the bombing and attack of Iran for a period of two weeks. This will be a double sided CEASEFIRE!” anang US President.
KAUGNAY NA BALITA: Trump, nagbabala; 'A whole civilization will die tonight' kung walang kasunduan sa Iran
