Sen. Imee umapelang iuwi si FPRRD, ma-disclose kooperasyon ng bansa sa ICC-Balita

Sen. Imee umapelang iuwi si FPRRD, ma-disclose kooperasyon ng bansa sa ICC

By Mc Vincent Mirabuna

March 10, 2026

Inihain sa Senado ni Sen. Imee Marcos ang isang resolusyong naglalayong ibunyag ang naging kooperasyon umano ng pamahalaan sa imbestigasyon ng International Criminal Court (ICC) noon sa Pilipinas at agarang maiuwi si dating Pangulong Rodrigo Duterte.

Ayon sa Senate Resolution No. 340 na inihain ni Marcos sa Senado nitong Martes, Marso 10, 2026, mababasa ang apela niyang “ma-disclose” o mabunyag ng Senado ang umano’y naging komunikasyon, kasunduan, hiling, operasyon, at iba pa ng pamahalaan sa ICC tungkol sa pagkakaaresto sa dating Pangulo noong Marso 11, 2025.

“Immediately and fully disclose all communications, agreements, authorizations, requests, and operational directives relating to the cooperation with the ICC in connection with the arrest and transfer of FPRRD,” diin niya.

Humiling din si Marcos na mag-isyu ang Senado ng klaripikasyon sa opisyal na polisiya ng gobyerno para sa magiging kooperasyon nito sa ICC sa hinaharap.

“Issue a categorical clarification of the official policy of the Philippine government regarding present and future cooperation with the ICC,” saad niya.

Dagdag pa rito, dapat din daw na managot umano ang mga opisyal na responsable sa pagkakaaresto ng ICC kay FPRRD.

“Acknowledge the violation of FPRRD’s constitutional and statutory rights and hold accountable the officials responsible therefore,” ‘ika niya.

Dahil dito, nilalayon din ng resolusyon ni Marcos ang “immediate return” o agarang pagbabalik ni FPRRD sa bansa.

“Redress the continuing violation of FPRRD’s rights by filing the appropriate representations to the ICC for his immediate return to the country,” aniya.

“Refrain from bypassing the Philippine Judiciary and engaging in unconstitutional acts in relation for the future ICC arrest warrants, if any,” pagtatapos pa niya sa dokumento.

KAUGNAY NA BALITA: TIMELINE: Unang anibersaryo mula sa pagtugis ng ICC kay FPRRD hanggang sa pagdinig ng confirmation of charges

KAUGNAY NA BALITA: FPRRD na-depress, namayat sa ICC detention center?

Usec. Castro sa 'good luck' ni VP Sara kay PBBM: 'An idle mind is the devil's playground'

Sinagot ni Palace Press Officer at Presidential Communications Office (PCO) Usec. Claire Castro ang naging sagot ni Vice President Sara Duterte na “good luck” sa mga kumakalat na balita tungkol sa paglala umano ng kalusugan ni Pangulong Ferdinand “Bongbong” Marcos, Jr. Kaugnay ito ng naging kasagutan ni VP Sara nang tanungin siya ng mga media noong Huwebes, Abril 9, 2026, tungkol sa mga...

78% ng bagong kaso ng tigdas sa QC, mga batang nasa edad 10 pababa!

Binubuo ng mga batang nasa edad 10 pababa ang 78% ng kabuuang tala ng kaso ng tigdas o measles sa Quezon City sa mga unang bahagi ng 2026. Ayon sa pahayag ng Quezon City Epidemiology and Surveillance Division (QCESD) nitong Biyernes, Abril 10, sa 136 kaso ng tigdas sa Quezon City, mula Enero 1 hanggang Abril 8, 106 dito ang mga nasa edad 10 pababa. Saad pa ng QCESD, ang ikalawang distrito ng...

Supreme Court, binutata petisyon ni Sarah Discaya; kaso laban sa kaniya, sapat ebidensya!

Ibinasura ng Supreme Court (SC) ang petisyon ng nakakulong na kontraktor na si Sarah Discaya hinggil sa findings ng Ombudsman. Batay sa dokumentong inilabas ng SC nitong Biyernes, Abril 10, 2026, iginiit nitong sapat ang mga ebidensya ng Ombudsman upang mapagtibay ang kasong kinahaharap ni Discaya. 'The SC dismissed the petition for certiorari filed by Cezarah Rowena C. Discaya (Discaya)...