Mayor Isko Moreno, humiling sa mga debotong nagkakalat; 'Disiplina, pairalin!'-Balita

Mayor Isko Moreno, humiling sa mga debotong nagkakalat; 'Disiplina, pairalin!'

Humiling si Manila City Mayor Isko Moreno Domagoso sa mga deboto ng Poong Jesus Nazareno na pairalin ang disiplina nilat at huwag magtapon ng basura sa mga kalsada at pampublikong lugar.

Sa ibinahaging mga larawan ni Moreno sa kaniyang Facebook post nitong Sabado, Enero 10, makikita ang paglilinis ng Department of Public Services sa Nepomuceno St. at Ayala Bridge na dinaanan ng andas ng Poong Jesus Nazareno sa naganap na Traslacion mula noong Biyernes, Enero 9 hanggang nitong Sabado, Enero 10, 2026.

“Bilang bahagi ng ating pagpapanatili ng kalinisan at kaayusan sa lungsod ay naglinis ang mga kawani ng Department of Public Services sa Nepomuceno St. at Ayala Bridge na dinaanan din ng andas,” mababasa sa caption ni Moreno.

Photo courtesy: Mayor Isko Moreno Domagoso (FB)

Screenshot mula sa post ni Moreno sa Facebook.

Nagawa pang humiling ni Moreno sa mga deboto na pairalin daw ng mga ito ang disiplina sa sarili at magmalasakit sa kapaligiran.

“Sa nalalapit na pagtatapos ng #Nazareno2026 ay hinihiling pa din natin sa ating mga deboto na pairalin ang disiplina sa ating sarili. Magmalasakit po tayo sa ating kapaligiran at huwag magtapon ng basura sa ating mga kalsada,” pagtatapos niya.

Matatandaang umabot sa 9.6 milyong bilang ng mga deboto ang nakiisa at dumagsa sa Traslacion ng Poong Jesus Nazareno mula Quirino Grandstand hanggang Quiapo, Maynila noong Huwebes, Enero 8 hanggang nitong Sabado, Enero 10, 2026.

MAKI-BALITA: 9.6M deboto, nakiisa, dumagsa sa Traslacion ng Poong Jesus Nazareno 2026!

Ayon sa ulat ng Quiapo church at Manila Public Information Office, 9,640,290 ang kabuuang bilang ng mga debotong dumagsa sa Traslacion ng imahe ng Poong Jesus Nazareno matapos ang makasaysayang halos 31 oras na nagsimula noong 4:00 ng madaling-araw ng Biyernes.

Habang bandang 10:50 naman ng umaga nang makabalik ang Andas ng Poong Jesus Nazareno sa Quiapo Church.

MAKI-BALITA: 2 deboto, nasawi sa Traslacion ng Poong Jesus Nazareno 2026!—NCRPO

MAKI-BALITA: Sa nakalipas na dekada: Traslacion 2026, pinakamaagang nagsimula pero pinakamatagal natapos

Mc Vincent Mirabuna/Balita

12-anyos na lalaki, patay sa kagat ng pating!

Pumanaw sa ospital ang isang 12-anyos na batang lalaki matapos siyang makagat ng pating sa ayon sa pahayag ng kanyang pamilya nitong Sabado, Enero 24, 2026.Nangyari ang insidente sa Australia, kasunod ng sunod-sunod na pag-atake ng pating sa silangang baybayin ng bansa.Kinilala ang biktima na si Nico Antic, na inatake noong Linggo habang kasama ang kaniyang mga kaibigan na tumatalon mula sa mga...

Sen. Estrada sa ₱800 wage hike ng mga kasambahay: 'A great help'

Ayon kay Senador Jinggoy Estrada na makatutulong ang ₱800 umento sa sahod ng mga kasambahay sa Metro Manila, sa gitna ng patuloy na pagtaas ng presyo ng 'basic commodities.'Sa isang pahayag noong Biyernes, Enero 23, ikinatuwa ni Estrada ang pag-apruba ng naturang halaga ng umento sa sahod. Maki-Balita: 'Fruits of hardwork!' Sen. Estrada, ikinatuwa ₱800 umento sa sahod ng...

Valenzuela City Councilor, sinita sa umano’y maluhong pamumuhay

Usap-usapan ang magagarang damit at bag na ibinibida ni Valenzuela City Councilor Kisha Coleen Ancheta sa publiko, sa pamamagitan ng social media posts niya.Sa isang Reddit post noong Biyernes, Enero 23, kinuwesityon ng isang netizen ang asta ni Ancheta. Kalakip kasi ng post ang screenshot ng umano’y mensahe ng konsehala.“Inggit ka lang eh HAHAHAHA, trabaho ka kasi, iyak ka na lang, gusto ko...