Trillanes, kinaladkad si Pulong sa isyu ni Cabral-Balita

Trillanes, kinaladkad si Pulong sa isyu ni Cabral

Pinuntirya ni dating Senador Sonny Trillanes IV si Davao City First District Rep. Pulong Duterte matapos masawi si dating Department of Public Works and Highways (DPWH) Usec. Catalina Cabral.

Sa latest Facebook post ni Trillanes nitong Sabado, Disyembre 20, binalikan niya ang pagkumpirma ni Cabral sa 51 bilyong insertions ni Duterte sa nasasakupan nito.

Aniya. “Si Usec Cabral ang nag-confirm ng ₱51 billion insertions ni Pulong sa Davao City. Ito na ang pinakamalaking halaga na nakurakot ukol sa issue ng flood control.”

“Hindi pa sumipot si Pulong sa ICI kaya halatang may tinatago,” dugtong pa ni Trillanes.

Kaya naman nanawagan ang dating senador sa Independent Commission for Infrastructure (ICI), Department of Public Works and Highways (DPWH), at Office of the Ombudsman (OMB) para gawin ang mga sumusunod na hakbang:

* Kunin sa DPWH ang bawat contract na bumubuo ng 51 billion peso insertions ni Pulong from 2019 to 2022.

* I-confirm sa DBM/COA kung lahat ng projects na ito ay nabayaran na.

* Ipatawag lahat ng contractors na nakapirma sa mga contracts.

* Samahan ang contractors at District Engineer sa Davao City para ituro nila kung saan ang eksaktong location nung mga nasabing 51 billion peso projects ni Pulong.

* I-check kung ang mga projects na ito ay ghost o substandard.

* I-file ang nararapat na kaso.

Matatandaang batay sa ulat noong Enero 2024, kinumpirma ni Cabral ang umano’y ₱51 bilyong natanggap ni Duterte sa distrito nito noong huling taon ng administrasyon ni dating Pangulong Rodrigo Duterte.

Ngunit sa isang Facebook post ni Duterte noong Setyembre 9, 2025, sinabi niyang hindi raw siya kailanman nangialam ng budget sa Kamara.

Ito ay matapos ungkatin sa House Infrastructure Committee ni Bicol Saro Party-list Rep. Terry Ridon kay Cabral ang pahayag na binanggit nito sa isang pahayagan tungkol sa umano'y insertions ni Duterte.

Maki-Balita Rep. Pulong Duterte, umalma matapos idawit ₱51B pondo sa infra projects ng Davao mula 2020-2022

Hindi totoo! Atty. Torreon, sinagot umano’y pagdating ng arrest warrant para kay Sen. Bato

Pinabulaanan ni Atty. Israelito Torreon, abogado ni Senador Ronald “Bato” dela Rosa, ang pahayag ng broadcast journalist na si Ramon Tulfo na umano’y aarestuhin ang senador nitong Sabado, Disyembre 20, 2025.Sa isang Facebook post, sinabi ni Tulfo na mayroon umanong arrest warrant laban kay Dela Rosa at tukoy na umano ng mga awtoridad ang kinaroroonan nito. Ayon kay Tulfo, “Aarestuhin na...

ALAMIN: Paano malalaman mga ‘pekeng Aguinaldo’ ngayong Kapaskuhan?

Kahit bata man o matanda, tila walang pinipiling edad ang mga nagnanais na makatanggap ng Aguinaldo sa tuwing sumasapit ang Kapaskuhan.Kaya naman ilang araw bago sumapit ang Pasko, narito ang ilang hakbang upang matukoy kung ang perang natanggap mo ay peke o tunay.Ayon sa BSP, madalas samantalahin ng mga gumagawa ng pekeng pera ang panahon ng Pasko dahil sa dami ng transaksiyon at pagmamadali ng...

Mag-anak na sakay ng motorsiklo, todas matapos salpukin ng rumaragasang van

Trahedya ang sinapit ng isang pamilya matapos masawi ang tatlong katao sa aksidente sa kalsada sa Pola, Oriental Mindoro.Ayon sa mga awtoridad, isang van na umano’y mabilis ang takbo ang bumangga sa isang motorsiklo na sinasakyan ng mag-asawa at kanilang batang anak.Kinilala ang mga nasawi bilang isang 34-anyos na babae, ang kaniyang 35-anyos na asawa na nagmamaneho ng motorsiklo, at ang...

Trillanes, kinaladkad si Pulong sa isyu ni Cabral

Trillanes, kinaladkad si Pulong sa isyu ni Cabral

Inirerekomendang balita

Hindi totoo! Atty. Torreon, sinagot umano’y pagdating ng arrest warrant para kay Sen. Bato

ALAMIN: Paano malalaman mga ‘pekeng Aguinaldo’ ngayong Kapaskuhan?

Mag-anak na sakay ng motorsiklo, todas matapos salpukin ng rumaragasang van

Features

Opinyon