Nakausap ni Pangulong Ferdinand “Bongbong” Marcos, Jr., ang Ukrainian President na si Volodymyr Zelenskyy upang patatagin ang relasyon ng Pilipinas at Ukraine.
Ayon sa isinapublikong post ni PBBM sa kaniyang Facebook account nitong Biyernes, Nobyembre 28, sinabi niyang nag-usap sila ni Zelenskyy para painitin ang relasyon ng Pilipinas at Ukraine, ganoon din na tukuyin ang mga bagay kung saan matutulungan ng nasabing mga bansa ang isa’t isa.
“I spoke with President Volodymyr Zelenskyy today to reaffirm our warm relations and discuss areas where our countries can work together,” mababasa simula na caption ng Pangulo.
Photo courtesy: Bongbong Marcos (FB)
Palasyo, itinangging pang-optics, propaganda lang ang Anti-Dynasty bill
Dagdag pa niya, “We focused on cooperation in food security, agriculture, and digitalization.”
Anang Pangulo, natalakay rin umano nila ang pagpapalakas ng relasyon ng Association of Southeast Asian Nations (ASEAN) sa bansang Ukraine.
“As the Philippines assumes the Chairship of ASEAN, we also discussed ways to strengthen ASEAN–Ukraine engagement for the benefit of our peoples,” pagtatapos pa niya.
Mc Vincent Mirabuna/Balita
