'They will not be spared!' PBBM, nagkomento sa isyu nina Romualdez, Co sa flood control projects-Balita

'They will not be spared!' PBBM, nagkomento sa isyu nina Romualdez, Co sa flood control projects

By Kate Garcia

September 15, 2025

In BALITA

Nagkomento na si Pangulong Ferdinand “Bongbong” Marcos, Jr., hinggil sa isyung kinasasangkutan ng kaniyang pinsang si House Speaker Martin Romualdez at Ako Bicol Partylist Rep. Elizaldy Co sa isyu ng maanomalyang flood control projects.

Sa kaniyang press conference nitong Lunes, Setyembre 15, 2025, inihayag niyang hindi umano makakalampas na imbestigasyon sina Co at Romualdez.

“There's only one way to do it. They will not be spared,” anang Pangulo.

Saad pa ni PBBM, patutunayan daw nilang hindi totoo ang pagdududa na hindi nila paiimbestigahan ang dalawang mambabatas.

“Anybody will say, 'Ah hindi, wala. Wala tayong kinikilingan. Wala tayong tinutulungan. Wala namang maniniwala sayo hangga't gawin mo eh.’ So gagawin namin,” ani PBBM.

Matatandaang isa sina Romualdez at Co sa mga mambabatas na pinangalanan ni Curlee Discaya na umano'y nanghihingi ng kickback mula sa halaga ng kontrata na mayroon sila para sa kanilang mga proyekto sa gobyerno, partikular na sa flood control projects.

“Karamihan sa mga kawani ng DPWH na nabanggit sa itaas ay paulit-ulit na binabanggit ang delivery ng pera ay para kay Zaldy Co, na dapat ay at least 25%,” ani Curlee Discaya sa pagdinig sa Senado noong Lunes, Setyembre 8.

Saad pa niya, “Si Cong. Marvin Rillo naman ay ilang beses binabanggit ang pangalan ni Speaker Martin Romualdez bilang kaniyang malalapit na kaibigan.”

KAUGNAY NA BALITA: Ilang DPWH offcials, pumuporsyento sa mga Discaya para umano kina Romualdez at Co

Samantala, sa magkahiwalay na mga pahayag, mariin namang itinanggi ng kampo ni Romualdez at Co ang nasabing mga alegasyon.

“Up to now, the allegations are hearsay. Mr. Discaya himself said he did not have a direct transaction with the Speaker,” saad ng tagapagsalita ni Romualdez na si Ace Barbers.

KAUGNAY NA BALITA: ‘The allegations are hearsay!’ Romualdez, walang balak magkaso sa mga nagdawit sa kaniya sa isyu ng flood control

"Hindi ako sangkot sa anumang maling gawain batay sa kaniyang malabong paratang," saad ni Co.

Dagdag pa niya, "Walang espesipikong detalye pero hinuhusgahan na ako."

KAUGNAY NA BALITA: Depensa ni Zaldy Co: 'Walang espesipikong detalye pero hinuhusgahan na ako!'

Guro sa Tondo, tiklo; nangmolestya ng estudyante, testigo pinilit pang kumain ng ipis!

Isang lalaking guro sa Tondo, Maynila ang umano’y inaresto matapos ireklamo ng pananakit ng isang 12-anyos na babaeng estudyante at pinilit pang kumain ng ipis matapos umanong mahuli ang ginagawa ng guro, na sekswal na pangmomolestya sa isa pang babaeng estudyante sa loob ng palikuran ng paaralan, ayon sa Manila Police District (MPD).Ayon sa ulat ng Manila Bulletin, batay sa inisyal na...

Tatay na patungo sanang Negros para sa anak na may sakit, nawawala!

Nagpapatuloy ang panawagan ng pamilya Villaluz para sa agarang tulong ng publiko matapos umanong mawala ang 53-anyos na si Danilo Villaluz, na bumiyahe sakay ng Batangas–Caticlan ferry noong gabi ng Disyembre 13, ngunit hindi na nakarating sa kaniyang destinasyon sa Negros.Ayon sa Facebook post ng anak niyang si Diana Villaluz, nagpasya ang kanilang ama na umuwi ng Negros upang dalawin ang...

4 na lalaki, arestado; higit ₱44M halaga ng shabu, marijuana atbp., narekober

Timbog ang apat na lalaking high-value individuals (HVI) at mahigit ₱44 milyong halaga ng iba’t ibang uri ng ilegal na droga ang nakumpiska ng awtoridad matapos ikasa ang isang malawakang anti-drug drive sa iba’t ibang panig ng bansa.Ayon sa ulat ng Philippine National Police (PNP) noong Lunes, Disyembre 15, isinagawa ang malawakang anti-illegal drug operation mula noong Linggo, Disyembre 14...