Binigyang-diin ni dating Department of Public Works and Highways (DPWH) district engineer Henry Alcantara na wala umano siyang koneksyon kay Senador Jinggoy Estrada
Matatandaang kabilang si Estrada sa dalawang senador na ikinanta ni dating DPWH assistant district engineer Brice Hernandez na sangkot umano sa maanomalyang flood control projects.
Sa ginanap na House Infrastructure Committee nitong Martes, Setyembre 9, itinanggi ni Alcantara ang anomang pagkakaugnay kay Estrada.
Ayon sa kaniya, “Hindi ko po siya kaibigan o hindi po ako nakakalapit sa kaniya, hindi po ako nakakapunta sa kaniya.”
Suspek sa genocide na nililitis sa international court sa The Hague, patay na!
“Maliban po no’ng ako’y naging empleyado lang po sa city hall. ‘Yon lang po, trabaho lang po,” dugtong pa ni Alcantara.
Ngunit hindi kumbinsido si InfraComm chairperson at Bicol Saro Party-list Rep. Terry Ridon sa pahayag ng dating district engineer.
“Magkasama kayo [ni dating city engineer Roberto Bernardo] sa Maynila, magkasama kayo sa DPWH tapos tinatanggi mo ngayon na wala kayong koneksyon kay Senador Jinggoy Estrada? Tingin mo maniniwala ang taumbayan?” saad ng kongresista.
Kamakailan lang ay napatunayang nagkasala si Alcantara sa kasong administratibong isinampa sa kaniya dahil sa pagkakaugnay niya sa ghost flood control projects sa Bulacan.
Maki-Balita: DPWH District Engineer, guilty sa kasong administratibo kaugnay sa flood control project
Samantala, itinanggi naman ni Estrada ang pagkakaugnay niya sa anomalya ng nasabing proyekto. Katunayan, hinamon niya si Hernandez na sumailalim sa lie detector test sa harap ng publiko.
Maki-Balita: Sen. Estrada hinamon si Engr. Hernandez: 'Let us take a lie detector test before the public'
