LPA, may 'medium' chance na maging unang bagyo ngayong 2025

By Nicole Therise Marcelo

June 06, 2025

In BALITA National

Binabantayan ng Philippine Atmospheric, Geophysical and Astronomical Services Administration (PAGASA) ang low pressure area (LPA) sa loob ng Philippine area of responsibility (PAR) na may "medium" chance na maging unang bagyo ngayong 2025.

Ayon sa 8:00 a.m. weather bulletin ng PAGASA. nitong Biyernes, Hunyo 6, may "medium" chance o katamtamang tyansa na maging tropical depression o bagyo ang naturang LPA.

Sinabi ni PAGASA weather specialist Benison Estareja na ang LPA ay inaasahang lilipat malapit sa Eastern Visayas at Bicol Region sa weekend at maaaring maging tropical depression.

“Kung saka-sakaling maging isang ganap na bagyo o tropical depression ito bukas (Saturday) or sa Sunday, papangalan po natin ito na Auring—o ’yong magiging unang bagyo for this month of June and even for the year 2025,” saad ni Estrareja.

Ngayong Biyernes, magdadala ang southwest monsoon o habagat ng mahina hanggang katamtamang pag-ulan sa Metro Manila, Calabarzon, Mimaropa, at Bicol Region.

Makararanas din ang Northern at Central Luzon ng maulap na panahon na may kalat-kalat na pag-ulan dahil pa rin sa habagat.

KAUGNAY NA BALITA: ALAMIN: Mga pangalan ng bagyo ngayong 2025

PBBM, pinahahanap student athletes na nag-wacky ng mukha sa speech niya

Natatawang nagkomento si Pangulong Ferdinand 'Bongbong' Marcos, Jr. sa isang video clip kung saan makikita ang ilang babaeng student athletes na nag-wacky ng mukha habang nagtatalumpati siya para sa opening program ng 'Palarong Pambansa' kamakailan.Pero sa halip na magalit ay tila naaliw pa ang Pangulo sa kaniya.'No'ng opening ceremony ng Palarong Pambansa, eh may mga...

'Walang atrasan!' 2 senador, sinigurong tuloy ang impeachment trial sa Hunyo 11

Iginiit ng dalawang senador na matutuloy ang pagsisimula ng pag-usad ng impeachment trial ni Vice President Sara Duterte sa darating na Hunyo 11, 2025.Ayon kay Sen. Sherwin Gatchalian, wala raw ibang pagpipilian ang Senado kung hindi ituloy ang nakabinbing impeachment.“Wala namang choice ang Senado. Hindi ito desisyon ng mga senador. Ito ay constitutional responsibility ng mga senador,” ani...

15-anyos, patay sa pagsabog ng isang bagay na napagkamalang gold bar!

Patay ang 15-anyos na lalaki matapos sumabog ang isang umanong bomba na napagkamalang gold bar sa Bukidnon.Ayon sa mga ulat, natagpuan ng biktima ang isang bagay na inakala niyang gold bar. Kasama ang dalawa pang kaibigan na 18-anyos at 33 taong gulang, may ginupit daw sila bahagi ng natagpuang bagay at saka ito sumabog. Nakaligtas naman ang dalawang kaibigan ng biktima habang dead on arrival na...