Maharlika, binanatan si Sen. Imee sa 'Romualdez-Araneta gobyerno ngayon'

By Richard De Leon

May 10, 2025

In BALITA Eleksyon

Nagbigay ng maaanghang na banat ang social media personality na kritiko ni Pangulong Ferdinand "Bongbong" Marcos, Jr. na si Claire Contreras o mas kilala sa pangalang "Maharlika" kaugnay sa inilabas na campaign video ni re-electionist Sen. Imee Marcos.

"Ang gobyerno ngayon ay hindi Marcos. Ang gobyerno ngayon ay Romualdez at Araneta," saad ng senadora, na tila pasaring sa kaniyang pinsang si House Speaker Martin Romualdez at hipag na si First Lady Liza Araneta-Marcos.

"Payo ni VP [Sara], magpalit na raw ako ng apelyido. Sagot ko, 'Inday, hindi ko kailangang magpalit ng apelyido. MARCOS AKO, I'm me! Ako ay ako! Ako ay si Imee Marcos," pahayag pa ng senadora sa inilabas niyang 1-minute video noong Biyernes, Mayo 9, tatlong araw bago ang eleksyon.

MAKI-BALITA: Siwalat ni Imee: 'Ang gobyerno ngayon ay hindi Marcos. Ang gobyerno ngayon Romualdez at Araneta'

Resbak naman ni Maharlika sa senadora, na ibinahagi rin sa social media platform na TikTok na may pamagat na "Imee Marcos, trending sa pag-mind control sa tao," "Bakit hindi niya [Sen. Imee] sabihin na inutil ang kaniyang kapatid? Bakit hindi mo sabihin sa sambayanang Pilipino na Marcos Jr., ading, adiktus benediktus, bumaba ka na... hindi niya masabi na inutil ang kapatid niya! Na adik na nagpapahirap sa inyong lahat!"

"Ngayon ilalabas niya sa picture si Bangag tapos kayo papauto-uto lang? Anyway, buhay n'yo 'yan! Huwag kayong magpapauto. Ito ay inililihis niya 'yong imahe ng kaniyang kapatid, sinisisi niya si 'Satanas' at itong si Romualdez na pinsan niya, at inilalayo niya 'yong kaniyang kapatid. Kaya para magalit kayo dito sa mga Romualdez at Araneta at mamahalin n'yo pa rin 'yong bangag niyang kapatid na ayaw magpa-hair follicle test," banat pa ni Maharlika.

Samantala, wala pang tugon, reaksiyon, o pahayag ang kampo ni Sen. Imee Marcos tungkol sa isyu.

Jake Ejercito, pinakilala 6 niyang senador: 'Iba naman!'

Isinapubliko na ng aktor na si Jake Ejercito ang anim na kandidatong susuportahan niya sa pagkasenador ngayong 2025 midterm elections.Sa isang Facebook post ni Jake noong Biyernes, Mayo 9, makikita ang pubmat ng kaniyang mga sinusuportahang kandidato kung saan nakalagay ang mga plataporma ng mga ito.“Iba naman. Sila naman,” saad ni Jake sa caption.Ang anim na kandidato sa listahan ni Jake ay...

Pamilyang Villar, dinumog sa kampanyang motorcade sa Las Piñas

LUNGSOD NG LAS PIÑAS — Umagaw ng pansin at humakot ng sigawan ng suporta ang Pamilyang Villar nitong Biyernes ng umaga habang pinangunahan nila ang masiglang motorcade sa Barangay BF International-CAA, ilang linggo bago ang pambansang halalan.Kasama ni senatorial candidate Camille Villar ang kanyang mga magulang — dating Senate President Manny Villar at Senadora Cynthia Villar, na tumatakbo...

Camille Villar, nakatanggap ng suporta mula sa Bukidnon sa pangunguna nina Zubiri at Gov. Roque

Bukidnon – Mayo 9, 2025 — Lalo pang lumawak ang suporta ni senatorial candidate Camille Villar sa Mindanao matapos siyang suportahan nina dating Senate President Juan Miguel Zubiri at Bukidnon Governor Oneil Roque nitong Huwebes.Nagpasalamat si Villar sa mga taga-Bukidnon sa kanilang mainit na pagtanggap, lalo na’t ilang araw na lamang ang nalalabi bago ang halalan ngayong Lunes.“Daghang...