Procurement sa 'depektibong' bollards sa NAIA, paiimbestigahan ni PBBM

By Richard De Leon

May 06, 2025

In BALITA National

Ipinahayag ni Presidential Communications Office (PCO) Undersecretary at Palace Press Officer Atty. Claire Castro na paiimbestigahan na ng Malacañang ang umano'y sub-standard na bollards sa departure area ng Ninoy Aquino International Airport (NAIA) Terminal 1, na nawasak matapos salpukin ng SUV na kumitil naman sa buhay ng dalawang indibidwal noong Linggo, Mayo 4.

Matatandaang isang 5-anyos na batang babae at anak ng OFW, at isang 29-anyos na lalaking pupunta lamang sa Dubai para sa isang business meeting ang mga nabanggit na nasawi sa nabanggit na aksidente.

Sa isinagawang press briefing, Martes, Mayo 6, sinabi ni Castro na ang nabanggit na bollards ay na-install sa NAIA noong 2019, sa panahon ng administrasyon ni dating Pangulong Rodrigo Duterte, at panahon ng pagiging kalihim ng Department of Transportation (DOTr) na si Arthur Tugade.

"Nakakalungkot po, may mga nasawi, dahil sa diumano'y depektibo na bollards na na-install po sa NAIA Terminal 1. Ito po ay na-install sa panahon po ng dating administrasyon, at sa panahon po ni dating Transportation Secretary Arthur Tugade," ani Castro.

KAUGNAY NA BALITA: 'Depektibong' bollards sa NAIA na-install sa panahon ng dating admin—Castro

Ipinag-utos na raw ni Pangulong Ferdinand "Bongbong" Marcos, Jr. ang pagpapa-imbestiga sa procurement ng nabanggit na bollards, at posible ring palitan pa ang ibang natitira para mas matiyak pa ang kaligtasan ng mga tao.

"Ngayon po'y pinaiimbestigahan, ito po'y July 2019 nang ma-install ang mga ito. Pinaiimbestigahan na po papaano po ang naging procurement, pati 'yong specifications. Iyon po ay sa pag-uutos po ng Pangulo, at ito po ay tutugunan kaagad-agad ni Secretary Vince Dizon."

Bukod dito ay iinspeksyunin din ang bollards at mabilisang papalitan para sa kaligtasan ng nakararami.

BASAHIN: ALAMIN: Ano ang silbi ng ‘bollards’ at paano nito pinipigilan ang aksidente?

MMDA, pinabulaanang may naparusahan sa pagbibigay-daan sa emergency vehicles

Tinawag na “misleading” ng Metropolitan Manila Development Authority (MMDA) ang kumakalat umanong mga komento sa social media hinggil sa paglabag sa no contact apprehension policy (NCAP) matapos magbigay-daan sa emergency vehicles.Sa pamamagitan ng Facebook post nitong Biyernes, Mayo 30, 2025, iginiit ng MMDA na wala raw katotohanan ang kumakalat na komento sa social media.“Misleading ang...

Grupo ng mga guro, tinutulan reporma sa GE subjects

Naghayag ng pagtutol ang Congress of Teachers and Educators for Nationalism and Democracy (CONTEND) kaugnay sa napipintong pagtatapyas sa tatlong general education subjects na Art Appreciation, Contemporary World, at Ethics sa college curriculum.Sa Facebook post ng CONTEND noong Huwebes, Mayo 29, sinabi nilang manipestasyon umano ng repormang ito ang mababaw na pag-unawa ng Department of Education...

PBBM, 'no comment' sa pahayag ni Sen. Imee patungkol sa 'pagkakamali'

'No comment.' Ito ang pahayag ni Pangulong Bongbong Marcos Jr. hinggil sa naging pahayag ng kaniyang kapatid na si Senador Imee Marcos patungkol sa 'pagkakamali.'Nitong Huwebes, Mayo 29, nagpulong sina Sen. Imee at legal counsel ni dating Pangulong Rodrigo Duterte na si Atty. Nicholas Kaufman. 'Kapit lang. Sabi ko kay VP Inday Sara Duterte, higit kanino man, alam ko ang...