Bong Go, Erwin Tulfo, nanguna sa senatorial survey ng OCTA Research

By Mary Joy Salcedo

April 28, 2025

In BALITA Eleksyon

Nanguna sina reelectionist Senador Bong Go at ACT-CIS Partylist Rep. Erwin Tulfo sa senatorial survey ng OCTA Research para sa nalalapit na 2025 midterm elections.

Base sa survey ng OCTA na inilabas nitong Lunes, Abril 28, nag-tie sina Go at Tulfo sa rank 1-2 matapos silang makakuha ng 64.2% at 61.2% voter preference, ayon sa pagkakabanggit.

Nasa rank 3-7 naman ang broadcaster na si Ben Tulfo na may 45.4% voter preference, at rank 3-8 si dating Senate president Tito Sotto na may voter preference na 43.3%.

Pare-parehong nasa rank 3-10 sina reelectionist Senador Bato dela Rosa (40.4%), dating Senador Ping Lacson (39.7%), at reelectionist Senador Pia Cayetano (39.5%); nasa 4-10 si reelectionist Senador Bong Revilla (38.7%), 5-11 si reelectionist Senador Lito Lapid (36.9%), habang 5-14 ang puwesto ni Makati Mayor Abby Binay (35.7%).

Samantala, nasa rank 9-18 si dating Senador Bam Aquino matapos siyang makatanggap ng voter preference na 32.3%, habang pare-parehong nasa rank 10-18 sina Las Pinas Rep. Camille Villar na nakatanggap ng 30.4%, dating Senador Manny Pacquiao na may 30.3%, at dating Senador Kiko Pangilinan na may 30.3%.

Pasok naman sa rank 11-19 sina TV host Willie Revillame (29%), dating Interior secretary Benhur Abalos (28.8%), at ang reelectionists na sina Senador Imee Marcos (27.9%) at Francis Tolentino (27.7%).

Nakasampa naman sa rank 12-20 ang aktor na si Philip Salvador na may 24.4% voter preference.

Isinagawa ang naturang survey mula Abril 10 hanggang 16, 2025 sa pamamagitan ng face-to-face interviews sa 1,200 mga Pinoy na nasa edad 18 pataas.

Comelec, naghain ng petisyong i-disqualify si MisOr Gov. Peter Unabia

Naghain ang Commission on Elections (Comelec) Task Force SAFE ng petisyon upang i-disqualify ang reelectionist na si Misamis Oriental Gov. Peter Unabia dahil sa naging hirit nitong para lamang sa “magagandang babae” ang nursing profession.Nitong Lunes, Abril 28, nang ihain ng Comelec ang moto pro prio petition for disqualification laban kay Unabia dahil sa naturang “nurse joke” nito sa isa...

Kolumnistang naglathala ng umano’y ‘panunuhol sa impeachment’ laban kay VP Sara, kinasuhan ng NBI

Naghain ng reklamong cyber libel ang National Bureau of Investigation-Central Visayas Regional Office (NBI-CEVRO) laban sa isang kolumnistang nagpakalat umano ng malisyosong balita kaugnay ng impeachment laban kay Vice President Sara Duterte.Ayon sa mga ulat, nauwi sa pagsasampa ng reklamo ang NBI-CEVRO laban kay Rigoberto Tiglao matapos umanong ipakalat ng naturang koluminista ang isa raw walang...

Sen. Risa sa mga Pinoy sa Canada matapos ang trahedya: ‘Nandito kami para sa inyo’

Nakidalamhati si Senador Risa Hontiveros sa mga nabiktima ng nangyaring pag-araro sa mga Pilipinong nagsasagawa ng Lapu-Lapu Day Celebration sa Vancouver, Canada noong Sabado, Abril 26.Matatandaang nagsagawa ang libo-libong mga Pilipino ng pagdiriwang para sa Lapu-Lapu Day sa Vancouver nang araruhin ang mga ito ng isang SUV.Nasa 11 na umano ang nakumpirmang nasawi habang hindi pa mabilang kung...