Isko, inendorso si Pacquiao sa pagkasenador: 'Pareho kaming galing sa hirap'

By Ralph Mendoza

April 27, 2025

In BALITA Eleksyon

Bukod kay dating Vice President Leni Robredo, nakuha rin ni “Pambansang Kamao” Manny Pacquiao ang suporta ni dating Manila City Mayor Isko “Moreno” Domagoso.

Sa ikinasang campaign sortie sa Baseco at Sta. Ana noong Sabado, Abril 26, sinabi ni Domagoso na karapat-dapat umanong bumalik sa Senado sa Pacquiao dahil hindi nakakalimot ang huli sa pinagmulan nito.

“Pareho kaming galing sa hirap. Hindi nakakalimot si Manny sa kaniyang pinanggalingan, kaya karapat-dapat siyang bumalik sa Senado,” saad ng mayoral candidate.

Pinasalamatan naman ni Pacquiao ang suportang ibinigay sa kaniya ng dating alkalde ng Maynila.

Aniya, “Ang laban ng mahirap ay laban nating lahat. Maraming salamat sa tiwala, Mayor Isko. Sama-sama tayong magtutulungan para sa bagong pag-asa ng bayan.”

“Kung magkaisa tayo, kaya nating itaguyod ang isang gobyernong tunay na para sa masa, makatao, makatarungan, at makabansa,” dugtong pa ni Pacquiao.

Matatandaang sina Robredo, Pacquiao, at Moreno ay dating magkakatunggali noong 2022 presidential elections.

MAKI-BALITA: Ex-VP Leni, inendorso si Manny Pacquiao: ‘Siya ay mabait, mapagkakatiwalaan’

PCO, kinumpirmang sina PBBM, FL Liza sumagot sa hospital bills ni Nora Aunor

Si Pangulong Ferdinand 'Bongbong' Marcos, Jr. at Office of the President (OP) ang nagbayad sa hospital bills ng namayapang si National Artist for Film and Broadcast Arts at Superstar na si Nora Aunor, ayon sa isang undersecretary ng Presidential Communications Office (PCO), Linggo, Abril 27.Sa panayam ng media, sinabi ni PCO Senior Undersecretary Analisa 'Ana' Puod na hindi...

Sen Imee, galit kay 'Lulong'

Mukhang maglalabas ng panibagong campaign material ang re-electionist na si Sen. Imee Marcos batay sa kaniyang latest Facebook post.Nitong Linggo, Abril 27, may patikim ang senadora tungkol dito, na ilalabas sa Lunes, Abril 28.Batay sa larawan, mukhang inspired ito sa action-fantasy series ng GMA Network, ang 'Lolong' na pinagbibidahan ni Ruru Madrid.'Sino si...

Ex-VP Leni, nilinaw ang pagpapakilala niya kay Marcoleta bilang senador

Nagbigay ng paglilinaw si dating Vice Presidente Leni Robredo kaugnay sa pagpapakilala niya kay SAGIP Party-list Representative at senatorial candidate Rodante Marcoleta sa isang campaign gathering sa Naga City kamakailan.MAKI-BALITA: Video ni Ex-VP Leni na ipinakilala si 'Senator Rodante Marcoleta,' usap-usapanSa isang komento ni Robredo sa Facebook post ay ipinaliwanag niyang matagal...