Ex-VP Leni, inendorso rin si Benhur Abalos

By Mary Joy Salcedo

April 24, 2025

In BALITA Eleksyon

Bukod kay dating senador Manny Pacquiao, inendorso rin ni dating Vice President Leni Robredo mula sa “Alyansa para sa Bagong Pilipinas” slate si dating Department of the Interior and Local Government (DILG) Secretary Benhur Abalos para sa 2025 midterm elections.

Sa isang aktibidad sa Naga City nitong Miyerkules, Abril 23, na inulat ng Manila Bulletin, sinabi ni Robredo na matagal na raw niyang kaibigan si Abalos.

“Matagal na po natin siyang kaibigan, naging mayor siya ng Mandaluyong nang matagal na panahon, naging DILG secretary po siya–isang napakagaling na DILG secretary–at naging MMDA chairman at ngayon ay tumatakbong kandidato bilang Senador,” ani Robredo sa halong lenggwaheng Filipino at Bicolano.

Sinabi rin ng dating bise presidente na palagi raw tumutulong si Abalos sa Naga, lalo na raw nang hagupitin ito ng bagyong Kristine noong nakaraang taon.

Matatandaang noong Oktubre 2024 nang bumisita si Abalos kina Robredo sa Naga at nagbigay ng donasyon para sa mga nabiktima ng bagyo.

MAKI-BALITA: Benhur Abalos, bumisita kina Ex-VP Leni sa Naga; nag-donate sa typhoon victims

“Suportahan natin ang kaniyang kandidatura. Iboto natin siya sa pagkasenador,” saad ni Robredo.

“Kaya po kapag ito ay naging senador ay siguradong tutulungan niya tayo, kaya tulungan din natin siya," dagdag pa niya.

Kasama si Abalos sa senatorial candidates sa ilalim ng partido ni Pangulong Ferdinand “Bongbong” Marcos Jr. na “Alyansa para sa Bagong Pilipinas.”

Bukod sa dating kalihim ng DILG, inendorso rin ni Robredo ang Alyansa senatorial bet na si Pacquiao nitong Miyerkules.

MAKI-BALITA: Ex-VP Leni, inendorso si Manny Pacquiao: ‘Siya ay mabait, mapagkakatiwalaan’

Inaasahang isasagawa ang 2025 midterm elections sa Mayo 12, 2025.

Crime rate sa NCR, bumaba sa nakaraang 5 buwan—NCRPO

Inihayag ng National Capital Region Police Office (NCRPO) ang patuloy raw na pagbaba ng crime rate sa NCR mula Nobyembre 23, 2024 hanggang Abril 23, 2025.Sa pamamagitan ng Facebook post nitong Huwebes, Abril 24, tinatayang nasa 22.53% daw ang ibinaba ng mga naitala nila sa walong focus crimes. 'In a significant stride toward enhancing public safety, the National Capital Region Police Office...

Mayoral bets Isko, Versoza, Malapitan at 6 iba pa, hahainan ng show cause order dahil sa umano’y vote-buying

Kinumpirma ng Commission on Elections (Comelec) nitong Huwebes, Abril 24, na hahainan nila ng show cause order sina Manila Mayoral Candidates Isko Moreno at Sam Versoza, Caloocan City Mayor reelectionist Along Malapitan, at anim na iba dahil umano sa “vote-buying.”Ayon kay Comelec Commissioner George Garcia, ngayong Huwebes ihahain ng Comelec Kontra Bigay committee ang show cause order laban...

Size ng itlog, bakit nga ba lumiliit kapag tag-init?

Dahil sa kasalukuyan na matinding init ng panahon sa bansa, posibleng lumiit ang mga itlog na ibinibenta sa merkado.Abril noong nakaraang taon nauna nang ibinahagi ng Egg Board Association president na si Francis Uyehura na dahil sa heat stress ng mga inahing manok, dulot ng El Nido Phenomenon, humihina ang pagkain ng mga ito na nagreresulta sa pagbaba ng produksyon ng mga itlog at pagliit...