VP Sara, tinawag na 'lason' ang graft and corruption: ‘It needs to be cut!’

By Mary Joy Salcedo

April 04, 2025

In BALITA National

Tinawag ni Vice President Sara Duterte na “lason” ang graft and corruption, at iginiit na dapat na itong maalis na sa bansa.

Sa panayam ng mga mamamahayag sa The Hague, Netherlands na inilabas ng News5 nitong Biyernes, Abril 4, tinanong si Duterte kung ano ang masasabi niya sa “graft and corruption” sa Pilipinas kung ikukumpara sa Netherlands.

Anang bise, hindi pa siya naka-access ng social services sa The Netherlands kaya’t hindi raw niya alam kung paano ito gumagana sa naturang bansa, ngunit sinabi niyang mataas ang graft and corruption index sa Pilipinas.

“Speaking of graft and corruption, it is really what you would call poison for a country. And in the graft and corruption index, we are high up there. The Philippines is high up there. We need to do something about it,” ani Duterte.

Binanggit din ng bise ang naranasan umano niyang korapsyon bago siya magbitiw bilang kalihim ng Department of Education (DepEd), kung saan iginiit niyang dawit dito ang mga miyembro ng House of Representatives.

“By my personal experience, the budget of the Department of Education, the school building program, the new construction, everything is divided among members of the House of Representatives. And they are not even implementers of projects. That is the job of the executive department. That is the job of the Department of Education,” giit niya.

MAKI-BALITA: VP Sara, iginiit na hinati umano para sa House members budget ng DepEd noong termino niya

Kaugnay nito, sinabi ni Duterte na marami pa umanong mga insidente ng graft and corruption sa loob ng mga departamento sa pamahalaan ng Pilipinas.

“I'm sure there are a lot of other incidents inside the departments in the government where there is graft and corruption,” ani Duterte.

“So it's poison to a country and it needs to be cut. It needs to be taken out so that the money of our resources are put to good use,” saad pa niya.

Matatandaang noong Setyembre 2024 nang ipahayag ni Duterte na kaya raw siya nagbitiw bilang kalihim ng DepEd ng Hunyo 2024 ay dahil kinuha umano nina House Speaker Martin Romualdez at Appropriations Chair Zaldy Co ang budget na nakalaan para sa ahensya.

MAKI-BALITA: VP Sara, nag-resign sa DepEd dahil kinuha raw nina Romualdez at Co ang budget ng ahensya

Agad namang pinalagan ni Co ang nasabing pahayag ni Duterte at tinawag itong “pambubudol.”

MAKI-BALITA: Zaldy Co, pumalag sa bintang ni VP Sara: 'Pambubudol na naman po 'yan!'

Samantala, patuloy na iniimbestigahan ng Kamara ang confidential funds ng Office of the Vice President (OVP) at maging ng DepEd noong si Duterte pa lamang ang kalihim ng ahensya.

Nito lamang Marso 2025 nang ilabas ng Kamara ang iba pang listahan ng mga kaduda-dudang pangalan na tumanggap umano ng confidential funds ni Duterte, kabilang na ang binansagang “Team Grocery” na sina “Beverly Claire Pampano,” “Mico Harina,” “Patty Ting,” “Ralph Josh Bacon,” at “Sala Casim.”

MAKI-BALITA: Confidential fund misuse sa ilalim ni VP Sara, posibleng umabot sa ₱612.5M – House panel

Kasalukuyan namang nasa The Hague si Duterte para sa kaniyang amang si dating Pangulong Rodrigo Duterte na nakadetine sa International Criminal Court (ICC) dahil sa kasong “crimes against humanity” kaugnay ng madugong giyera kontra droga ng administrasyon nito.

MAKI-BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Comelec, walang budget para sa manual recount ng resulta ng eleksyon

Dumipensa si Commission on Elections (Comelec) Chairman George Erwin Garcia patungkol sa mga panawagang magkaroon ng manual recounting sa resulta ng Halalan 2025.Sa panayam ng Super Radyo dzBB kay Garcia nitong Linggo, Mayo 18, 2025, tahasan niyang iginiit na wala raw pondo ang Comelec para sa manual recounting. “Wala po kasi tayong budget para diyan sa mga pagbibilang na ganyan kung talaga...

Manny Villar sa anak na si Sen. Camille Villar: 'I'm beyond proud of you!'

Proud na proud ang dating senador at business magnate na si Manny Villar para sa kaniyang anak na si proclaimed Sen. Camille Villar matapos masungkit ang ikasampung puwesto sa Top 12 na mga nanalong senador na maglilingkod sa pagbubukas ng 20th Congress.Nakakuha si Sen. Villar ng 13,651,274 votes.Mababasa sa Facebook post ni Manny na proud siya sa kaniyang anak hindi lamang dahil nanalo siya,...

'I made it mom!' Sen. Erwin Tulfo, bumisita sa puntod ng ina

Ibinahagi ng proklamadong bagong halal na senador na si Sen. Erwin Tulfo ang pagdalaw niya sa puntod ng inang si Caridad Teshiba Tulfo upang ibida rito ang sertipiko ng kaniyang pagkapanalo bilang bagong senador.Mababasa sa caption ng post ni Tulfo, 'I made it Mom…''Salamat sa mga dasal mo noon, at hanggang dyan sa heaven. I love you forever Mom.'Nakakuha si Tulfo ng...