Maestra sa likod ng 'Adopt-a-Student,' 'Laptop Para sa Pangarap' at iba pang adbokasiya, pinarangalan-Balita

Maestra sa likod ng 'Adopt-a-Student,' 'Laptop Para sa Pangarap' at iba pang adbokasiya, pinarangalan

May mensahe para sa pagdiriwang ng Women's Month ang gurong si Teacher Melanie Figueroa, nagtuturo ng asignaturang Araling Panlipunan sa Hinaplanon National High School na matatagpuan sa Iligan City, Lanao Del Norte, matapos siyang parangalan sa kaniyang mga adbokasiya sa paaralan gaya ng "Laptop Para sa Pangarap," "Adopt-a-Student," at iba pa.

Ilang beses nang naitampok sa Balita si Teacher Melanie dahil sa kaniyang mga pinag-uusapan at viral na pagtulong sa mga mag-aaral, na talaga namang nagbibigay ng impact at inspirasyon sa lahat.

BASAHIN: Guro mula sa Iligan City, instrumento sa pagtupad ng Christmas wish ng kaniyang mga mag-aaral

BASAHIN: Ang 'Laptop para sa Pangarap' ni Ma'am Melanie Figueroa ng Iligan

BASAHIN: Guro, nagpapatulong para sa estudyanteng naulila sa ina matapos magsilang ng kambal

Sa eksklusibong panayam ng Balita kay Teacher Melanie, naibahagi niyang nakatanggap siya ng parangal mula sa Office of the Ombudsman sa Northern Mindanao para sa "Ordinary People Doing Extraordinary Act" Award para sa HIP o Honesty, Integrity and Public Accountability.

Nakatanggap daw siya ng tawag mula sa opisina dahil sa kaniyang "Adopt-a-Student" advocacy dahil nais daw nilang malaman kung paano niya ito ginagawa.

Sinagot ng opisina ang lahat ng expenses ng awardees nang dalhin sila sa Maynila para sa awarding ceremony.

Nang matanong ang guro sa mga programang nais pa niyang gawin para sa mga estudyante, binanggit niya ang "oral hygiene" o pagpapadentista sa mga batang may problema sa kanilang ngipin. Naniniwala kasi ang guro na kung maayos ang ngipin ng mga bata, makakangiti sila nang maayos at mas tataas ang kumpiyansa nila sa kanilang sarili. Gusto ring ipagpatuloy ni Ma'am Melanie ang kaniyang proyektong pagbibigay ng sapatos sa mga deserving na mag-aaral, lalo na ang mga walang magamit sa kanilang pagpasok.

Umaasam din sana si Teacher Melanie na mapansin naman ng Department of Education (DepEd) ang kaniyang adbokasiya upang mas mapalawak pa ang mga oportunidad para dito.

Kahit hanggang sa kaniyang pagreretiro, sinabi ni Ma'am Melanie na ipagpapatuloy niya pa rin ang kaniyang mga adhikain para sa mga bata at mag-aaral na Pilipino, sa simpleng paraan subalit ekstra ordinaryong impact sa buhay nila.

Pilipinas, balak harangin asylum application ni Roque

Inihayag ng Department of Justice (DOJ) na nakatakda umanong harangin ng gobyerno ng Pilipinas ang asylum application ni dating Presidential spokesperson Harry Roque sa Netherlands.Sa panayam ng TeleRadyo Serbisyo kay DOJ Undersecretary Nicholas Felix Ty, iginiit niyang may plano umano silang magsumite ng dokumento sa pamahalaan ng Netherlands na tututol sa naturang aplikasyon ni...

Bulacan VG Alex Castro, nagsalita sa tugon ng Malacañang sa PrimeWater

Naglabas ng opisyal na pahayag si Bulacan Vice Governor Alex Castro hinggil sa tugon ng Malacañang na imbestigahan ang serbisyo ng PrimeWater sa kanilang lalawigan.Mababasa sa kaniyang opisyal na pahayag, sa opisyal niyang Facebook page nitong Miyerkules, Abril 30, 'Taos-puso po akong nagpapasalamat sa Malacañang sa kanilang agarang pagtugon sa ating panawagan na imbestigahan ang matagal...

PBBM, paiimbestigahan reklamo sa 'kakulangan' sa serbisyo ng PrimeWater

Sinabi ng Malacañang na paiimbestigahan ni Pangulong Ferdinand 'Bongbong' Marcos, Jr. ang reklamo ng mga parukyano ng PrimeWater dahil sa umano’y mataas na singil sa bill at mababang kalidad ng serbisyo sa ilang mga lugar sa Bulacan.Ayon kay Presidential Communications Office (PCO) Undersecretary Claire Castro, nanindigan si PBBM na walang puwang sa administrasyon niya ang anumang...