Roque, napahagulgol sa asylum application: ‘Wala nang tago-tago!’

By Kate Garcia

March 29, 2025

In BALITA

Tahasang inihayag ni dating presidential spokesperson na mananatili umano siya sa Netherlands habang inaantay ang kaniyang asylum application, matapos magtago ng ilang buwan sa Pilipinas matapos siyang ipaaresto ng House of Representatives.

KAUGNAY NA BALITA: Roque, naghain na ng asylum; 'Di na raw siya pwedeng pabalikin sa 'Pinas

Sa panayam ng media kay Roque sa The Hague noong Biyernes, Marso 28, 2025, sinabi niyang aabutin umano ng isa't kalahating taon ang kaniyang aplikasyon sa asylum sa nasabing bansa.

“Hindi na ako mapapa-deport pabalik ng Pilipinas hanggang hindi matapos ang aking aplikasyon. Ang process ng application it takes about 1.5 years,” ani Roque.

Ibinahagi rin ni Roque na napahagulgol daw siya sa pagpirma ng kaniyang asylum matapos umano ang halos kalahating taong pagtatago sa Pilipinas.

“Dito na muna ako. Wala nang tago-tago. Kaya nga nung pumirma ako ng aking asylum application napaluha talaga ako. Napahagulgol. Kasi sabi ko 'first time in a six and a half month hindi na ako nagtatago sa mga bangag," ani Roque.

Matatandaang nagtago si Roque nang maglabas ng utos ang Kamara na ipaaresto siya matapos ang hindi pagsipot sa imbestigasyon ng Quad Committee sa pagkakaugnay niya sa Philippine Offshore Gaming Operators (POGO).

KAUGNAY NA BALITA: 'Unfinished business' ni Roque sa House of Representatives, pinuna ng ilang mambabatas

Kitty Duterte, ibinahagi latest na mensahe ni FPRRD sa kanilang pamilya

Ibinahagi ni Veronica 'Kitty' Duterte ang isang screenshot na naglalaman ng ipinaaabot na mensahe ni dating Pangulong Rodrigo Duterte para sa kaniyang pamilya, habang naka-detine pa rin sa International Criminal Court (ICC) Detention Center sa The Hague, Netherlands.Makikita sa Instagram story ni Kitty ang mensahe raw ng dating Pangulo para sa kaniya, sa kaniyang common law partner na si...

PBBM sa pagpanaw ni Pope Francis: 'It is a profoundly sad day'

Naglabas na rin ng mensahe ng pagdadalamhati si Pangulong Ferdinand 'Bongbong' Marcos, Jr. hinggil sa pagpanaw ni Pope Francis ngayong araw ng Lunes, Abril 21.Mababasa sa kaniyang Facebook post, 'The Philippines joins the Catholic community worldwide in grieving the loss of His Holiness Pope Francis. A man of profound faith and humility, Pope Francis led not only with wisdom but...

Arch. Villegas inalala bilin ni Pope Francis dahil sa tindig niya sa EJK

Sinariwa ni Archbishop Socrates Villegas ang ilang bagay tungkol kay Pope Francis matapos nitong pumanaw nitong Lunes ng umaga, Abril 21.Sa inilabas niyang “message of sorrow and hope” nito ring Lunes, isa sa binalikang alaala ni Villegas kay Pope Francis ay ang ibinigay nitong lakas at pag-asa matapos siyang kutyain at bantaan ng mga tauhan ng gobyerno dahil sa tindig niya sa extrajudicial...