SP Chiz, kokonsultahin daw mga senador hinggil sa impeachment trial kay VP Sara-Balita

SP Chiz, kokonsultahin daw mga senador hinggil sa impeachment trial kay VP Sara

Ipinahayag ni Senate President Chiz Escudero na kokonsultahin niya ang kaniyang mga kapwa senador kung “available” ang mga itong pag-usapan ang impeachment trial ni Vice President Sara Duterte.

“Will consult the others if they want to and if they are available,” ani Escudero sa isang text message sa mga mamamahayag nitong Biyernes, Pebrero 21.

Sinabi ito ng pangulo ng Senado matapos ang panawagan ni Senador Koko Pimentel para sa isang caucus o pagtitipon upang malaman daw kung kailan dapat magsisimula ang paglilitis sa impeachment complaint ng bise na ipinasa ng House of Representatives.

Sinabi rin ni Pimentel na maaaring magpatawag ang Senado ng isang espesyal na sesyon para sa impeachment complaint.

Samantala, sa naturang mensahe ay sinabi rin ni Escudero na tutol daw siya sa pahayag ni Pimentel na kayang simulan ng Senado ang trial sa panahon ng recess kung kailan wala ang mga senador sa sesyon.

“I, however, disagree with him that we can start the trial during the recess when we are not in session by simply agreeing among ourselves to do so,” giit ni Escudero.

“This may bring our actions into question before the courts. Prudence, as they say, is the better part of valor,” saad pa niya.

Matatandaang noong Pebrero 10 nang sabihin ni Escudero na magsisimula ang paglilitis ng Senado sa naipasang impeachment complaint laban kay Duterte pagkatapos ng State of the Nation Address (SONA) ni Pangulong Ferdinand “Bongbong” Marcos Jr.

MAKI-BALITA: Impeachment trial kay VP Sara, sisimulan pagkatapos ng SONA – SP Chiz

Kaugnay nito, noon lamang Martes, Pebrero 18, ay sumulat din si Pimentel kay Escudero upang igiit na dapat nang dinggin ng Senado ang impeachment complaint laban kay Duterte dahil nakasaad daw sa Konstitusyon ang salitang “forthwith,” na may Filipino translation na “agad.”

MAKI-BALITA: Pimentel, sinulatan si SP Chiz ukol sa VP Sara impeachment; iginiit Fil. translation ng 'forthwith'

Sinang-ayunan naman ni Senador Risa Hontiveros ang naturang tindig ni Pimentel.

MAKI-BALITA: Sen. Risa, sang-ayon kay Sen. Koko na dapat dinggin na agad impeachment vs VP Sara

Samantala, noong Miyerkules, Pebrero 19, nang kumpirmahin ng Korte Suprema na pinetisyon mismo ni VP Sara ang kinahaharap niyang impeachment cases, partikular na ang ikaapat na ipinasa ng Kamara sa Senado.

CIDG chief Nicolas Torre III, pinatutsadahan si Ernest Abines matapos ang search warrant

'Ngayon iiyak-iyak ka sa social media? Actions have consequences...'Pinatutsadahan ni CIDG chief Police Brigadier General Nicolas Torre III ang Duterte supporter na si Ernest Jun Abines matapos niyang maghain ng search warrant laban sa huli. Sa isang Facebook post, ipinaliwanag ni Torre kung bakit niya pina-search warrant si Abines. 'Actions have consequences. Ipinakalat mo na...

Willie Revillame sa mga nagsasabing wala siyang alam: ‘Wala akong alam na magnakaw!’

Sinagot ni TV host Willie Revillame ang mga nagsasabi raw na wala siyang alam para tumakbo bilang senador ng bansa sa 2025 midterm elections.Sa isang press conference nitong Biyernes Pebrero 21, sinabi ni Revillame na bilang isang host ng daily show ay 27 taon raw siyang nakikinig sa hinaing ng mga Pilipino, at ito raw ang dahilan niya kaya’t napagdesisyunan niyang tumakbo bilang senador.“Sabi...

2 estudyanteng nag-cutting sa klase, nagpanggap na na-kidnap dahil walang pamasahe?

Dalawang high school students mula sa Los Amigos, Davao City ang nadiskubreng nagpanggap na dinukot matapos umano silang mag-cutting classes at hindi makauwi bunsod ng kakulangan sa pamasahe. Ayon sa ulat ng Brigada PH nitong Sabado, Pebrero 22, 2025, lumabas umano sa imbestigasyon ng mga awtoridad na hindi totoong na-kidnap ng puting van ang dalawang estudyante matapos makuhanan sa CCTV ng...