Labor leader Sonny Matula, muling tatakbong senador sa 2025

By Mary Joy Salcedo

October 05, 2024

In BALITA Eleksyon

Muling tatakbo ang lider-manggagawang si Atty. Sonny Matula bilang senador sa 2025 midterm elections upang patuloy raw na isulong ang karapatan ng mga manggagawa sa bansa, tulad ng pagpapataas ng kanilang mga sahod.

Naghain ng certificate of candidacy (COC) si Matula nitong Sabado, Oktubre 5, sa The Manila Hotel Tent City.

"Now na ang panahon para sa pagbabago, bagong dugo at bagong mukha naman sa Senado," aniya.

Ayon pa sa senatorial aspirant, kinakailangan ng ipasa ang wage increase nationwide bill na P150 o higit pang taas-sahod para magkaroon umano ng nakabubuhay na sahod ang mga manggagawa lalo na sa gitna ng pagtaas ng mga bilihin sa bansa.

"Ang legislative agenda ng manggagawa ay maiwan ulit sa kangkungan kung walang boses at representasyon ang manggagawa sa Senado," giit ni Matula, na siyang pangulo ng Federation of Free Workers (FFW) at Workers' Party Philippines (WPP).

"Ngayon na ang panahon para itaas ang sahod, kilalanin ang regular na trabaho at isulong ang karapatan ng manggagawa," dagdag pa niya.

Matatandaang tumakbo si Matula bilang senador noong 2022 national elections sa ilalim ng slate ni dating Vice President Leni Robredo, ngunit hindi pinalad na manalo.

PBBM sa National Teacher's Day: 'I wish you a joyful and productive celebration'

Nagpaabot ng mensahe si Pangulong Ferdinand “Bongbong” Marcos, Jr. para sa mga guro bilang bahagi ng National Teacher’s Day Celebration ngayong Sabado, Oktubre 5.Sa mensaheng inilabas ng Malacañang, sinabi ng pangulo na kinikilala umano nila ang lahat ng guro sa iba’t ibang panig ng mundo na ibinabahagi ang kahalagahan ng kahusayan at pagsisikap.“We acknowledge our educators all around...

Davao Occidental, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Davao Occidental nitong Sabado ng umaga, Oktubre 5.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 6:22 ng umaga. Namataan ang epicenter nito 431 kilometro ang layo sa timog-silangan ng Balut Island sa munisipalidad ng Sarangani, Davao Occidental, na may lalim na 249...

TINGNAN: Listahan ng mga kandidato sa pagka-senador at party-list

Narito ang listahan ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Biyernes, Oktubre 4, ang ikaapat na araw ng filing.Ang listahang ito ay mula sa Commission on Elections (Comelec):SENATORIAL CANDIDATE1. Adonis, Ronaldo 2. Arambulo, Ronnel3. Brosas, Arlene4. Andamo, Jocelyn5. Casiño,...