Dahil sa 'issue' tungkol sa mga Duterte: Dela Rosa, pwede raw matalo

By Nicole Therise Marcelo

October 03, 2024

In BALITA Eleksyon

Maaari raw makaapekto sa senatorial race ni reelectionist Senador Ronald "Bato" Dela Rosa ang umano'y mga political issue ng mga Duterte.

Sa paghahain ni Dela Rosa ng kaniyang certificate of candidacy (COC) nitong Huwebes, Oktubre 3, itinanong sa kaniya kung makaaapekto ba sa kaniyang senatorial race ang umano'y political issue ng mga Duterte lalo't isa siya sa mga kaalyado ng pamilya.

"Yes, it may affect either way. Puwede akong manalo o puwede akong matalo dahil sa gulo na 'yan. But I am more inclined to believe doon sa mananalo tayo. May effect talaga ito, plus o minus," saad ni Dela Rosa.

"'Yung mentalidad ng mga Pilipino... nakikita nila na kapag binububog ka palagi, parang Fernando Poe Jr. ba, naaawa sa'yo 'yung taumbayan. Dapat naman talaga kaawaan dahil mga Kristiyano tayo hindi naman tayo 'yung mga bayolenteng tao. Mga Kristiyano tayo naaawa tayo sa mga taong binubugbog," dagdag pa niya.

KAUGNAY NA BALITA: Dela Rosa, kinokontak daw ng ICC pero binabalewala raw nila

Kung babalikan, tila nagkaroon ng gusot sa pagitan ng mga Marcos at Duterte.

Kamakailan lang, inispluk ni Vice President Sara Duterte na hindi raw sila magkaibigan ni Marcos at nagkakilala at nagkausap lang umano sila dahil naging running mates sila noong Eleksyon 2022.

BASAHIN: VP Sara, hindi 'isang kaibigan' si PBBM; nagkakilala lang dahil sa eleksyon

Tahasan at diretsahan ding sinabi ni VP Sara na hindi na siya papayag na magkaroon ng running mate na "Marcos" kung sakaling magdesisyon siyang kumandidato sa pagkapangulo sa 2028.

BASAHIN: VP Sara sa running mate na Marcos kung sakaling tatakbo: 'Never again!'

TINGNAN: Listahan ng mga aspirants na nag-file ng COC at CONA ngayong Oct. 3

Naglabas ng listahan ang Commission on Elections (Comelec) ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Huwebes, Oktubre 3, ang ikatlong araw ng filing.Ngayong araw, 12 kandidato sa pagkasenador ang naghain ng COC, habang siyam na party-lists ang naghain ng kanilang CONA.SENATORIAL...

Sen. Padilla, nakikiusap kay ex-Pres. Duterte na tumakbong senador sa 2025 elections

Nakikiusap umano si Senador at PDP-Laban president Robin Padilla kay dating Pangulong Rodrigo Duterte na tumakbong senador sa 2025 midterm elections.Sa isang ambush interview nitong Huwebes, Oktubre 3, itinanong kay Padilla kung posible pa bang tumakbo ang dating pangulo.'Ako hanggang ngayon nakikiusap kay [former] Mayor [Rodrigo Duterte] na tumakbo. Bilang presidente ng PDP-Laban, gusto ko...

Sen. Go, naniniwala bang maipapanalo ulit ng 'Duterte magic?'

Natanong si Sen. Bong Go na isang reelectionist para sa 2025 midterm elections kung sa tingin niya ay maipapanalo pa siya ng tinatawag na 'Duterte magic' gayundin ang mga kapwa kandidatong inendorso ni dating Pangulong Rodrigo Duterte, na sina kapwa reelectionist Sen. Ronald 'Bato' Dela Rosa at aktor na si Phillip Salvador, sa kabila raw ng 'demolition job' na...