Ex-VP Leni, ikinatuwa pagpili sa ‘And So It Begins’ bilang PH entry sa Oscars

By Mary Joy Salcedo

September 29, 2024

In BALITA National

Ikinatuwa ni dating Vice President Leni Robredo ang pagpili sa kanilang documentary film na “And So It Begins” bilang official entry ng Pilipinas sa 97th Academy Awards o kilala rin bilang Oscars.

Sa isang Facebook post nitong Linggo, Setyembre 29, shinare ni Robredo ang post ng direktor ng kanilang “And So It Begins” na si Ramona S. Diaz.

“Congratulations!!! So proud of a Nagueña getting all the recognition so richly deserved. Ramona S. Diaz,” ani Robredo.

Makikita naman sa post ni Diaz ang pagpapahayag niya ng kaniya ring kasiyahan sa pangyayari lalo na’t ito raw ang unang pagkakataon kung saan pumili ang Film Academy of the Philippines (FAP) ng isang dokumentaryo bilang official entry sa Oscars.

“I make documentary films to bear witness and to try to understand the homeland. It’s a complex, messy, endearing, infuriating, and captivating place all at once—as are all exciting places. And the more I delve into it, the more it eludes me. It is both knowable and unknowable,” saad ni Diaz.

“Taos pusong pasasalamt, FAP jurors, for this vote of confidence and for showing support for the documentary form. I’m deeply humbled and proud to represent the country as the official entry to the 97th Academy Awards. Nakakaiyak. And so we continue…” dagdag pa niya.

Matatandaang noong Setyembre 25, 2024 nang ianunsyo ng FAP na ang “And So It Begins” ang official entry ng Pilipinas sa 97th Academy Awards sa ilalim ng “Best International Feature” category.

BASAHIN: 'And So It Begins,' opisyal na entry ng PH sa 2025 Oscars

Nakasentro ang naturang documentary film sa naging presidential campaign ni Robredo noong 2022 national elections, at maging ang kuwento ni Rappler CEO at Nobel Peace Prize laureate Maria Ressa sa paglaban para sa malayang pamamahayag.

BASAHIN: Robredo, idinetalye documentary film nilang 'And So It Begins'

‘Julian,’ itinaas na sa ‘typhoon’ category

Mas lumakas pa ang bagyong Julian at itinaas na ito sa “typhoon” category, ayon sa Philippine Atmospheric, Geophysical and Astronomical Services Administration (PAGASA) dakong 2:00 ng hapon nitong Linggo, Setyembre 29.Sa tala ng PAGASA, huling namataan ang sentro ng bagyong Julian 275 kilometro ang layo sa silangan ng Calayan, Cagayan.Taglay nito ang lakas ng hanging aabot sa 120 kilometers...

Cebu, niyanig ng 5.0-magnitude na lindol

Niyanig ng 5.0-magnitude na lindol ang probinsya ng Cebu nitong Linggo ng hapon, Setyembre 29, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:53 ng hapon.Namataan ang epicenter nito 15 kilometro ang layo sa timog-kanluran ng Poro, Cebu, na may lalim na 10 kilometro.Naiulat ang Intensity III sa San...

‘Para sa mga Pinoy!’ Chel Diokno, first nominee ng Akbayan sa 2025 elections

Ipinahayag ni human rights lawyer Atty. Chel Diokno na kakandidato siya bilang first nominee ng Akbayan Party sa 2025 elections upang isulong ang kapakanan ng mga Pilipino sa Kongreso.Sa isang Facebook post nitong Sabado, Setyembre 28, nagpasalamat si Diokno sa tiwalang ibinigay sa kaniya ng Akbayan.Nangako rin ang human rights advocate na isusulong nila sa Kongreso ang demokrasya ng bansa at...