'Di nagdrama!' Robredo, dumalo sa lahat ng SONA noon ni FPRRD -- Ex-OVP spox

By Mary Joy Salcedo

July 13, 2024

In BALITA National

Kahit nagsilbing opposition leader si dating Vice President Leni Robredo ay hindi siya kailanman “nagdramang designated survivor” at lumiban sa mga naging State of the Nation Address (SONA) ni dating Pangulong Rodrigo Duterte, ayon kay dating Office of the Vice President (OVP) spokesperson Barry Gutierrez.

Sa isang X post nitong Biyernes, Hulyo 12, ibinahagi ni Gutierrez ang post ng “Impact Leadership” hinggil sa pagiging “The Real Survivor” umano ni Robredo nang dumalo siya sa lahat ng mga naging SONA ni FPRRD.

Makikita sa naturang post ang ilang mga larawan ni Robredo ng kaniyang “in-person” na pagdalo sa SONA ni FPRRD mula 2016 hanggang 2019, at kaniyang “virtual” na pagdalo mula 2020 hanggang 2021 o noong panahon ng pandemyang dulot ng Covid-19.

“Hindi nagdramang ‘designated survivor.’ Walang sinimulang spekulasyon na ‘may mangyayari sa SONA.’ Gabay ang Saligang Batas, hindi Netflix,” giit ni Gutierrez.

Bagama’t walang pinangangalanan, tila patama umano ang naturang post ni Gutierrez kay Vice President Sara Duterte.

Matatandaang noong Huwebes, Hulyo 11, nang ianunsyo ni VP Sara na hindi siya dadalo sa SONA ni Pangulong Ferdinand “Bongbong” Marcos Jr. at itinatalaga niya ang kaniyang sarili bilang “designated survivor.”

"I will not attend the SONA. I am appointing myself as the designated survivor,” ani VP Sara.

MAKI-BALITA: VP Sara, hindi dadalo sa SONA ni PBBM

Ang “Designated Survivor” ay isang Netflix thriller series na umere mula 2016 hanggang 2019.

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...

Kiko sa pagtakbong senador: 'Inaalay ko nang buong tapang, buong puso para sa bayan!'

Nagpasalamat si dating senador at vice presidential aspirant Atty. Kiko Pangilinan sa Partido Liberal ng Pilipinas (PLP) sa tiwalang ibinigay sa kaniya upang maging kinatawan ng partido para sa pagkasenador sa darating na midterm elections.Nanumpa na si Atty. Kiko sa isang programang isinagawa ng Liberal Party noong Setyembre 20, na ibinahagi niya ang talumpati sa kaniyang social media...

Davao Oriental, niyanig ng 4.8-magnitude na lindol

Niyanig ng magnitude 4.8 na lindol ang probinsya ng Davao Oriental nitong Linggo ng hapon, Setyembre 22, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 4:22 ng hapon.Namataan ang epicenter nito 122 kilometro ang layo sa timog-silangan ng Governor Generoso, Davao Oriental, na may lalim na 71...