Marian, may masigabong palakpak mula kay Dingdong-Balita

Nagbigay ng kaniyang mensahe si Kapuso Primetime King Dingdong Dantes sa kaniyang misis na si Kapuso Primetime Queen Marian Rivera matapos ang pinag-usapan nitong pagta-translate sa Ingles ng tanong sa naganap na Century Tuna Superbods 2024.

Ang tanong ni Marian sa lalaking contestant na si "Jether Palomo" ay nasa wikang Filipino.

"Dumami ang followers mo sa social media no'ng naging finalist ka. Paano mo gagamitin ang opportunity na ito kahit natapos na ang kompetisyon na ito?" tanong ni Marian.

Ngunit hindi nakasagot ang contestant sabay hirit kay Marian na kung puwedeng isalin ito sa wikang Ingles.

"I'm sorry, can I get English please?" saad niya.

"I would try my best," kuwelang sagot ni Marian. "Are you ready for this? Listen very carefully. Here's my question."

So ang binasang translated version ni Marian, "Your social media following grew when you become a finalist, how would you use this opportunity even after your Superbods journey?"

"I think you understand that," kuwelang sabi ni Marian na ikinatuwa naman ng audience.

Napahiyaw naman ang audience dahil "naitawid" nga naman ni Marian ang caught off guard na pagta-translate ng tanong. Ngunit sa kabila nito, may ilang bashers naman ang nagsabing may mali raw sa grammar sa naging pagsasalin ng aktres.

MAKI-BALITA: Marian, hiniritan ng contestant sa Q&A: 'Can I get English please?'

Sa kaniyang Instagram post ay pinuri at sinuportahan naman ni Dingdong ang kaniyang misis.

"Hindi lang ang iyong panlabas na kagandahan ang nagningning kagabi, kundi pati na rin ang natural mong talento sa pagpapasaya at pagpukaw sa puso ng mga Pilipino."

"Isang masigabong palakpak para sa iyo, Misis ko."

"P.S. ‘Di kailangang i-translate sa ingles, gets niyo na ‘to," ani Dingdong.

Tugon naman dito ni Marian, "Love you mahal ko. Sa susunod ikaw na tatawagan ko para mag-translate!"

Photo courtesy: Screenshot from Dingdong Dantes (IG)

In fairness, si Jether Palomo ang itinanghal na grand winner sa male category at nakasungkit pa ng anim na special awards.

MAKI-BALITA: Contestant na nagpa-translate kay Marian, grand winner na, hakot awards pa!

Kabataan Party-list, itutulak pagpapatalsik kay VP Sara

“Clear po ang gusto ng Kabataan, gusto siyang matanggal sa kaniyang posisyon.”Inihayag ni Kabataan Party-list first nominee Renee Co na itutulak at ieendorso nila ang pagpapatalsik kay Vice President Sara Duterte sa posisyon.Sinabi ito ni Co nang usisain ng media matapos ihain ang kanilang certificate of nomination and acceptance (CONA) para sa 2025 midterm elections nitong Sabado, Oktubre 5,...

Leni Robredo, natanong kung tatakbo ba ulit sa 2028 presidential elections

Natanong si dating Vice President at ngayo'y tumatakbong Naga City mayor Leni Robredo kung may balak na siyang kumandidato sa 2028 presidential elections, nang makapanayam ng media sa paghahain niya ng certificate of candidacy (COC) para sa napipisil na posisyon.Paglilinaw ni Robredo, wala raw siyang planong tumakbo sa pagkapangulo sa nabanggit na halalan.Bagama't hinihimok siyang...

'Half-human, half-zombie' 'Rastaman', kakandidato bilang senador; pabor sa e-sabong

Susubukan muli ni 'half-human, half-zombie' na si 'Rastaman,' o Rolando Plaza, na makapasok sa politika matapos niyang maghain ng certificate of candidacy (COC) sa pagka-senador ngayong Sabado, Oktubre 5, sa The Manila Hotel Tent City.Ito rin ang ikalawang pagkakataon na kumandidato siya bilang senador dahil noong 2019 ay naghain din siya ng COC sa parehong posisyon. Sakaling...