Mayor Alice Guo, pekeng Pilipino--Hontiveros

By Nicole Therise Marcelo

June 27, 2024

In BALITA National

Tinawag ni Senador Risa Hontiveros na "pekeng Pilipino" si Bamban, Tarlac Mayor Alice Guo nang mapatunayan ng National Bureau of Investigation (NBI) na ang huli at si Guo Hua Ping ay iisa.

Matatandaang naglabas si Senador Win Gatchalian ng isang dokumento na nagsasabing may posibilidad umanong “Guo Hua Ping” ang tunay na pangalan ni Mayor Alice.

“Alice Guo might be Guo Hua Ping, who entered the Philippines on January 12, 2003 when she was 13 years old. Her real birth date is on Aug 31, 1990,” ani Gatchalian sa mga mamamahayag.

Gayunman, itinanggi ni Guo na siya si Guo Hua Ping.

BASAHIN: Mayor Alice Guo, may tunay nga bang pangalan na ‘Guo Hua Ping’?

Nitong Huwebes, Hunyo 27, kinumpirma na ng NBI kay Hontiveros na si Alice Guo at Gua Hua Ping ay iisa dahil pareho raw ito ng fingerprint.

"This confirms what I have suspected all along. Pekeng Pilipino si "Mayor Alice" — or should I say, Guo Hua Ping. She is a Chinese national masquerading as Filipino citizen to facilitate crimes being committed by POGO," sabi ng senadora.

BASAHIN: NBI, kinumpirmang iisa lang si Alice Guo at Guo Hua Ping -- Hontiveros

Bago rin makumpirma ng NBI ang tungkol dito, isinapubliko ni Hontiveros nitong Miyerkules, Hunyo 26, ang dalawang NBI document kung saan mayroong dalawang “Alice Leal Guo” at pareho rin sila ng birthday na Hulyo 12, 1986.

BASAHIN: ‘STOLEN IDENTITY?’ Mayor Alice Guo, hindi tunay na 'Alice Leal Guo'?

Fingerprint ng ikatlong 'Alice Guo', 'di tugma kay Mayor Alice Guo

Isiniwalat ng National Bureau of Investigation (NBI) nitong Miyerkules, Hulyo 3, na hindi tugma ang fingerprint ng ikatlong 'Alice Guo' kay suspended Bamban, Tarlac Mayor Alice Guo.Ang ikatlong 'Alice Guo' at si Mayor Alice ay pareho ng petsa ng kaarawan na Hulyo 12, 1986, at pareho ring ipinanganak sa Tarlac, dahilan para pag-aralan ng NBI ang fingerprint ng una base sa NBI...

Plano raw ng DILG na pagpaliwanagin si Mayor Baste, walang katotohanan — Abalos

Naglabas ng pahayag si Department of the Interior and Local Government (DILG) Secretary Benhur Abalos kaugnay sa ulat ng isang pahayagan.Sa Facebook post ni Abalos nitong Martes, Hulyo 2, pinabulaan niya ang nakasaad sa ulat tungkol kay Davao City Mayor Sebastian “Baste” DuterteAyon sa ulat: “Plano ng DILG na pagpapaliwanagin si Baste kung bakit wala ito sa kanyang nasasakupan o pwesto...

Zamora sa 'perwisyo' ng Wattah Wattah Festival: 'Babawi tayo San Juan!'

Ipinangako ni San Juan City Mayor Francis Zamora na 'babawi' ang San Juan sa hindi matigil-tigil na isyu kaugnay sa ilang mga 'pasaway' na residente ng lungsod na umano'y nagdulot ng perwisyo sa 'Wattah Wattah Festival' na taunang ipinagdiriwang tuwing Hunyo 24.Ang nabanggit na kapistahan, na tinatawag ding 'Basaan,' ay pagpupugay sa pintakasi ng...