NAIA magiging saksakan na nang linis sey ni Ramon Ang-Balita

NAIA magiging saksakan na nang linis sey ni Ramon Ang

Ipinangako ni San Miguel Corporation President at CEO Ramon Ang na magiging saksakan na nang linis ang Ninoy Aquino International Airport (NAIA) sa susunod na taon.

Sa video interview ng "Politiko" kay Ang sa naganap na concession agreement para sa Public-Private Partnership (PPP) Project sa Kalayaan Hall na nasa Palasyo ng Malacañang nitong Lunes, Marso 18, sinabi ni Ang na sa loob lamang ng anim na buwan ay "saksakan na nang linis" ang paliparan sa ilalim ng kanilang pangangasiwa.

"Pagagandahin, ay within six months from the time we take over, September to next year March before Holy Week, naku saksakan na nang linis 'yon," ani Ang.

Bukod sa kalinisan, ipinangako rin ni Ang na aayusin din ang ventilation at palalawakin pa ang terminal para sa mga pasahero upang mas marami pang maupuan o magsilbing waiting area. Ang mga opisina raw na hindi kailangan ay aalisin at ililipat ng lugar.

"Pati 'yong air-condition magiging malamig na, at dadami na upuan. Alam n'yo, eventually after two to three years, 'pag natapos 'yong bagong passenger terminal na itatayo natin... madedecongest na rin ang terminal 1, 2, 3... kasi marami ngayon sa terminal 1, 2, 3 mga offices, mga kung-ano-ano, na nag-occupy ng space na dapat para sa mga passenger, eh napunta sa kanila. So gaganda po 'yan, short term, six months, wala nang traffic..."

Bukod kay Pangulong Ferdinand "Bongbong" Marcos, Jr., dumalo rin sa nabanggit na event sina Transportation Secretary Jaime Bautista, Manila International Airport Authority (MIAA) General Manager Eric Jose C. Ines, at House Speaker Martin Romualdez.

Matatandaang kamakailan ay naging kontrobersiyal ang NAIA dahil sa mga surot na nagbigay-perwisyo sa ilang mga pasahero.

MAKI-BALITA: ‘May surot sa NAIA?’ MIAA, nag-sorry sa mga nakagat na pasahero

Pagkatapos nito, ilang mga daga naman ang naispatang pagala-gala sa loob ng vicinity ng terminal.

MAKI-BALITA: Pagkatapos ng surot: Daga, nakita rin daw sa NAIA

MAKI-BALITA: Hindi lang surot at daga? Ipis, ‘namasyal’ din sa NAIA

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...