Pamahalaan, magpapatupad ng mga programa para sa mga apektado ng PUVMP-Balita

Pamahalaan, magpapatupad ng mga programa para sa mga apektado ng PUVMP

By MJ Salcedo

January 15, 2024

In BALITA

Magpapatupad daw ang pamahalaan ng mga programang naglalayong tulungan ang mga tsuper at operator ng jeep na maaapektuhan ng Public Utility Vehicle Modernization Program (PUVMP).

Sa isang press briefing sa Malacañang na inulat ng Presidential Communications Office (PCO) nitong Lunes, Enero 15, sinabi ni Office of Transportation Cooperatives (OTC) chairman Jesus Ferdinand Ortega na ilan sa mga programang ipatutupad ng pamahalaan para sa mga tsuper at operator ng jeep ay ang “EnTSUPERneur” at “Tsuper Iskolar.”

Ayon kay Ortega, nagbigay ng pondo ang Department of Transportation (DOTr) sa programang “EnTSUPERneur” upang matulungan ang Department of Labor and Employment (DOLE) na maisakatuparan ang Integrated Livelihood Program nito na naglalayong magkaloob ng kapital at capacity building sa kabuhayan ng mga apektadong manggagawa.

Sa kabilang banda, ang “Tsuper Iskolar” ay programa umano ng Technical Education and Skills Development Program (TESDA) na naglalayong magbigay ng scholarship at livelihood training sa mga driver, operator at kanilang mga pamilya.

“They could avail the program set by DOLE and by TESDA. These are for those that are affected, either driver or operator especially those that hindi nag-consolidate. So ‘yun ‘yung programs of the government for them,” ani Ortega.

Matatandaang Disyembre 31, 2023 ang inilatag na deadline ng pamahalaan para sa franchise consolidation sa ilalim ng PUVMP.

Binigyan naman ng DOTr ang mga operator ng jeep ng hanggang Enero 31, 2024 para payagang mamasada ang mga hindi nakapag-consolidate.

Pagkatapos nito, sa Pebrero 1, 2024, ituturing na umanong “colorum” ang mga PUV na hindi nakapag-comply sa nasabing franchise consolidation.

Taong 2017 nang simulan ng Department of Transportation ang PUVMP. Ngunit tutol dito ang mga jeepney driver at mga operator dahil masyado umanong mahal ang modern jeepneys na maaari daw umabot sa mahigit ₱2 milyon.

Kaugnay nito, inanunsyo ng pangulo ng transport group Manibela na si Mar Valbuena nitong Linggo, Enero 14, na muli silang magsasagawa ng malawakang tigil-pasada sa darating na Martes, Enero 16, 2024 bilang pagprotesta umano sa nasabing PUVMP ng pamahalaan.

Sen. Bato, iginiit na hindi convicted criminal si Lopez para ilipat sa Women's Correctional

Naglabas ng pagkadismaya si Sen. Ronald “Bato” Dela Rosa hinggil sa kautusang paglilipat sa Women’s Correctional sa chief-of-staff ng Office of the Vice President na si Zuleika Lopez mula sa pasilidad ng House of Representatives.Sa panayam ng media kay Dela Rosa sa pagbisita niya kay Lopez sa St. Luke’s Hospital nitong Biyernes, Nobyembre 23, 2024, iginiit niyang hindi raw umano...

Pahayag ni VP Sara, ‘active threat’ sa buhay ni PBBM — Malacañang

“Any threat to the life of the President must always be taken seriously.”Iginiit ng Malacañang na isang “active threat” laban kay Pangulong Ferdinand “Bongbong” Marcos Jr. ang naging pahayag ni Vice President Sara Duterte na may kinausap na umano siyang tao at binilinan na kung napatay siya, papatayin naman nito ang pangulo at maging si First Lady Liza Araneta-Marcos at House Speaker...

Sagad na ang pasensya? VP Sara pinagmumura sina PBBM, FL Liza, Romualdez

Nagbitiw ng mga maaanghang na salita si Vice President Sara Duterte laban kina Pangulong Ferdinand “Bongbong” Marcos, First Lady Liza Araneta-Marcos at House Speaker Martin Romualdez sa kaniyang online press conference nitong Sabado ng umaga, Nobyembre 23, 2024. “P*****ina ninyong lahat! Bongbong Marcos, Liza Marcos, Martin Romualdez, ginigitnit niyo yung mga tao ko diyan sa envelope na...