Bumagsak pa sa 12.8 degrees celsius ang temperatura sa Baguio City nitong Linggo ng madaling araw.
Dakong 5:00 ng madaling araw nang maitala ng Baguio station ng Philippine Atmospheric, Geophysical and Astronomical Services Administration (PAGASA) ang naturang temperatura.
Paliwanag ni weather specialist Daniel James Villamil, ang bagsak na temperatura sa lugar ay dulot ng northeast monsoon o amihan na nagdadala naman ng malamig na hangin mula sa Siberia.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Ang matinding lamig ng panahon sa Baguio at Metro Manila ay inaasahang tatagal hanggang tatlong araw.
Noong 2023, ang pinakamalamig na temperatura sa Baguio na 10°C ay naitala noong Pebrero 16.
Sa rekord ng PAGASA, huling naramdaman ang pinakamatinding klima sa Baguio noong Enero 18, 1961 matapos maitala ang 6.3°C.
Lizst Torres Abello
