Inihayag ni House Speaker Martin Romualdez nitong Sabado, Nobyembre 4, na in-abolish na ng Kamara ang sistema ng “pork barrel.”
Sa isinagawang seremonya ng pag-turn over ng Kamara ng ₱5.768-trillion General Appropriations Bill (GAB) sa Senado, sinabi ni Romualdez na ipinatupad umano nila ang mga reporma upang buwagin ang sistema ng pork barrel bilang paggalang sa direktiba ng Korte Suprema.
"Honoring the Supreme Court's directive, we have instituted reforms to categorically abolish the pork barrel system. Our commitment to upholding transparency, accountability, and exemplary governance remains stronger than ever," pahayag ni Romualdez.
"We have undertaken rigorous measures to ensure judicious and lawful allocation of funds. Our reforms echo our unwavering commitment to serving our people with utmost integrity," dagdag pa niya.
Ex-Pres. Rodrigo Duterte, magde-demand ng audit ‘pag tumakbo bilang Pangulo si Romualdez
Ang naturang pahayag ni Romualdez ay matapos sabihin ni dating Pangulong Rodrigo Duterte kamakailan sa isang panayam ng SMNI na wala umanong “limit” ang “pork barrel” sa Kamara.
Sinabi rin ni Duterte sa naturang panayam na magde-demand daw siya ng audit kung paano ginastos ni Romualdez ang pondo ng publiko kapag tumakbo raw ito bilang Pangulo ng bansa sa susunod na eleksyon.
