ABS-CBN, may pahayag sa pagbasura ng MTRCB sa apela ng It’s Showtime

By MJ Salcedo

September 28, 2023

In BALITA

Naglabas ng pahayag ang ABS-CBN nitong Huwebes, Setyembre 28, hinggil sa naging pagbasura ng Movie and Television Review and Classification Board (MTRCB) sa motions for reconsideration na isinumite ng “It’s Showtime” kaugnay ng 12 airing days suspension nito.

MAKI-BALITA: MTRCB, ibinasura ang apela ng It’s Showtime

“We received the decision of the Movie and Television Review and Classification Board denying our Motion for Consideration regarding ‘It’s Showtime’ and are currently exploring all our remedies and options,” saad ng ABS-CBN.

Ayon pa rito, dahil hindi pa naman umano “final” at “executory” ang ipinataw na suspensiyon ng MTRCB, mapapanood pa rin daw ang It’s Showtime sa Kapamilya Channel, A2Z, at GTV, maging sa Kapamilya Online Live, iWantTFC, and TFC.

Samantala, nagpasamat din ang ABS-CBN sa mga taong patuloy umanong sumusuporta sa kanilang noontime show.

“We are truly grateful for the unwavering love and support that we have received from our viewers,” anang ABS-CBN.

“We remain committed to bringing joy and inspiration to our beloved Madlang People,” dagdag pa nito.

Matatandaang nagpataw ang MTRCB kamakailan ng 12 airing days suspension sa It’s Showtime dahil umano sa mga natanggap nilang reklamo kaugnay sa pagkain nina Vice Ganda at Ion Perez ng icing ng cake sa segment na “Isip Bata” noong Hulyo.

MAKI-BALITA: It’s Showtime, sinuspinde ng 12 airing days ng MTRCB

Mga klase, pasok sa tanggapan ng gobyerno suspendido sa Oktubre 31

Suspendido na ang mga klase sa lahat ng antas gayundin ang mga pasok sa tanggapan ng gobyerno sa darating na Oktubre 31 ng 12:00 ng tanghali, para sa paggunita ng All Saints' Day at All Soul's Day, ayon mismo sa Malacañang.Sa ipinalabas na Memorandum Circular No. 67 na nilagdaan ni Executive Secretary Lucas Bersamin, wala nang pasok sa nabanggit na oras at petsa para magbigay-daan sa...

Baggage handling system sa NAIA 3, bumigay; nagdulot ng aberya sa mga pasahero

Daan-daang pasahero ang nakaranas ng aberya dahil sa bumigay na baggage handling system sa terminal 3 ng Ninoy Aquino International Airport (NAIA) nitong Martes, Oktubre 22.Sa huling Facebook post ng Cebu Pacific nitong Martes ng tanghali, Oktubre 22, inaksyunan na nila ang problema sa nasabing terminal kasama ang New NAIA Infrastructure Corp. (NNIC).“CEB has established a dedicated team to...

‘Kristine’ bahagyang lumakas habang nasa PH Sea ng Bicol Region

Bahagya pang lumakas ang Tropical Storm Kristine ang kumikilos ito sa Philippine Sea sa silangan ng Bicol Region, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Oktubre 22.Sa update ng PAGASA, huling namataan ang sentro ng Tropical Storm Kristine 390 kilometro ang layo sa silangan ng Daet, Camarines Norte.Taglay...