Na-stranded ang ilang motorista sa bahagi ng EDSA Santolan sa Quezon City (northbound) dahil sa baha na dala ng malakas na pag-ulan bunsod ng sama ng panahon nitong Sabado.
Sa larawang isinapubliko ng Metropolitan Manila Development Authority (MMDA), makikita nakahinto ang lahat ng sasakyan sa nasabing lugar, tapat ng Camp Aguinaldo dahil sa hanggang baywang na baha.
Kitang-kita rin sa litrato ang mga naipit na bus na nasa EDSA busway dahil sa nakaharang na dalawang pribadong kotse.
Metro
Marikina LGU: Ulat na dinukot ang 4 na menor de edad sa lungsod, fake news!
"As of 12:54 PM. EDSA NB Camp Aguinaldo. Waist Deep. Not passable to all types of vehicles," abiso ng MMDA.
Nauna nang nagbabala ang Philippine Atmospheric, Geophysical and Astronomical Services Administration (PAGASA) na posibleng makaranas ng pagbaha sa Metro Manila at ilang bahagi ng bansa dahil sa epekto ng low pressure area (LPA) na huling namataan 85 kilometro hilagang silangan ng Infanta, Quezon.
Bukod dito, umiiral din ang southwest monsoon na makaaapekto sa Southern Luzon, Visayas at Mindanao.
