Nanawagan na ang Sugar Regulatory Administration (SRA) sa mga negosyante na gawing ₱85 na lamang ang kada kilo ng asukal.
Ang apela ay isinagawa ng SRA sa gitna ng tumataas na presyo ng produkto sa Metro Manila.
Nasa ₱110 na ang per kilo ng refined sugar sa National Capital Region kahit sapat pa ang suplay nito sa bansa.
“We have enough sugar supply, thus I do not see any reason why retailers can’t bring their prices down at a much affordable rate for our consumers,” pahayag naman ni SRA Administrator Pablo Luis Azcona.
Eastern Samar, niyanig ng magnitude 4.0 na lindol
Pagdidiin ni Azcona, kahit ibaba ang presyo ng asukal na may gate price na hanggang ₱60 kada kilo, kiikita pa rin ang mga negosyante.
“Everyone is profiting enough to make it available to the consuming public at ₱85 per kilo,” anang opisyal.
Nakiusap din ito sa mga local government unit (LGU) na ipairal ang suggested retail price (SRP) na ₱85 dahil walang kapangyarihan ang ahensya na ipatupad ito.
Hinikayat din nito ang mga mamimili na tangkilikin ang mga Kadiwa rolling store ng Department of Agriculture (DA) na nag-aalok ng refined sugar na ₱70 per kilo.
Philippine News Agency
