Nagbigay ng courtesy visit si Department of Information and Communications Technology (DICT) Undersecretary Anna Mae Yu Lamentillo kay Spanish Ambassador to the Philippines Miguel Utray Delgado para talakayin ang digital cooperation sa pagitan ng Pilipinas at Spain.
Sinabi ni Lamentillo, na Undersecretary for Public Affairs and Foreign Relations ng DICT, na kabilang sa mga larangan ng partnership na tinalakay niya sa Spanish Ambassador ay ang artificial intelligence, cybersecurity, e-governance, at connectivity.
“Ngayong taon ay ipinagdiriwang natin ang ika-75 anibersaryo ng diplomatikong relasyon sa pagitan ng Pilipinas at Spain. Umaasa tayo na ang matatag na ugnayan na iyon ay magbubunga ng mas malakas na kooperasyon sa digitalization," sabi ni Lamentillo.
Ipinaliwanag niya na kabilang sa mga prayoridad ni Pangulong Ferdinand Marcos Jr. sa ilalim ng Build Better More thrust ay ang palawakin ang koneksyon sa mga unserved at underserved na mga lugar sa bansa, at ang pag-digitalize ng mga serbisyo ng gobyerno upang mapabuti ang produktibidad at kahusayan ng pamahalaan sa mga tuntunin ng paghahatid ng mga serbisyong pampubliko.
Tinapyasang budget ng opisina ni VP Sara, ‘di na dapat baguhin – Sen. Risa
Alinsunod dito, ang DICT, sa ilalim ni Secretary Ivan John Uy, ay nakikipag-ugnayan sa ibang mga bansa para sa ibayong kooperasyon, pagpapalitan ng kaalaman, teknikal na kadalubhasaan, at pinakamahusay na kasanayan sa digitalization, bukod sa iba pang mga programa ng Kagawaran.
