Umabot na sa 7,000 pamilya ang naapektuhan ng flash flood sa ilang bayan sa Isabela nitong Linggo, ayon sa Department of Social Welfare and Development (DSWD).
Sa pahayag ng DSWD-Region 2, kabilang sa binaha ang San Manuel kung saan naapektuhan ang 5,000 pamilya.
Sa Aurora, nasa 2,000 pamilya naman ang binaha dahil umano sa walang tigil na pag-ulan nitong Agosto 14.
Kaagad namang kumilos si DSWD Regional director Cezario Joel Espejo at namahagi ng family food packs at₱3,000 na ayuda alinsunod na rin saAssistance to Individuals in Crisis Situation program ng ahensya.
Lolang bibisita sa City Jail, timbog matapos mahulihan ng ilegal na droga
Kaugnay nito, nagpaliwanag naman angNational Irrigation Administration Magat River Integrated Irrigation System (NIA-MARIIS) Division IIIat sinabing hindi dulot ng operasyon ng Magat Dam ang pagbaha.
Idinagdag pa ng ahensya na ang pagbaha ay resulta umano ng tatlong oras na pag-ulan.
Nitong Agosto 13, nakaranas din ng dalawang oras na pag-ulan sa Roxas na nagdulot din ng pagbaha.
