Inanunsyo ng Regional Tripartite Wages and Productivity Board - NCR na magsisimula na sa buwan ng Pebrero ang umento sa sahod ng mga kasambahay sa Metro Manila.
Nasasaad sa Wage Order No. NCR-DW-06 na mula sa ₱7,000 kada buwang minimum wage rate ng mga kasambahay, ito ay magiging ₱7,800 na kada buwan.
Saklaw ng naturang umento ang mga general househelp, yaya, cook, gardener, laundry person, o kahit sinong regular na gumagawa ng domestic work sa isang tahanan bilang kaniyang trabaho.
Pasok dito ang lahat ng domestic workers—live-in o live-out man ang “arrangement.”
Samantala, hindi naman saklaw ng nasabing wage hike ang mga sumusunod:
73-anyos, patay sa gitna ng paghihintay para makabili ng murang bigas
a. Service providers
b. Family drivers
c. Any other person who performs work occasionally or sporadically and not on an occupational basis
Photo courtesy: Regional Tripartite Wages and Productivity Board - NCR
Inaprubahan ang wage order noong Enero 15, 2026, at inaasahang magiging epektibo sa Pebrero 7, 2026.
Vincent Gutierrez/BALITA
