Hindi raw posibleng umakyat sa ₱15 kada piraso ang presyo ng itlog ng manok, ayon sa grupong Agricultural Sector Alliance of the Philippines Inc. (AGAP), sa kanilang pahayag nitong Martes, Hulyo 12.
Puwede umanong pumalo sa ₱10 hanggang ₱15 kada piraso ng itlog ang aasahan ng mga konsumer, dahil sa patuloy na pagtaas ng production cost at banta ng sakit na "bird flu".
Ayon sa panayam ng ABS-CBN News kay AGAP Party-list Rep. Nicanor Briones, nagmahal daw ang feeds o mga pagkaing patuka sa mga manok. Sa nakalipas na 14 buwan daw ay may over supply ng itlog kaya mababa ang presyo, subalit ang problema raw ngayon, nagkalugi-lugi umano ang mga layer farm owner at marami na rin ang huminto.
Kulang na nga raw ang suplay, nadagdagan pa dahil sa banta naman ng bird flu.
50.78% examinees, pasado sa Nov. 2024 Licensure Exam for Agriculturists
Ayon sa ulat, kasalukuyang pumapalo sa ₱5.90 hanggang ₱7.20 ang presyo ng itlog kada piraso sa ilang mga pamilihan.
Pinag-aaralan na umano ng Bureau of Animal Industry (BAI) ang magiging epekto sa kakulangan ng suplay ng itlog, sa pagtama ng bird flu sa ilang layer farm sa Central Luzon.
