Limang most wanted person sa lungsod ang inaresto ng Muntinlupa police sa mga manhunt operations noong Semana Santa.
Noong Abril 12, inaresto ng pulisya si Emerson Atoli, 30, construction worker, na nakalista bilang No. 1 most wanted person sa ikalawang quarter ng 2022.
Siya ay dinakip batay sa mga warrant of arrest na inisyu ng tatlong korte sa Muntinlupa. Naglabas si Presiding Judge Patria Manalastas-De Leon ng Muntinlupa Regional Trial Court Branch 205 ng warrant of arrest na may piyansang P100,000 laban kay Atoli para sa robbery with violence against or intimidation of persons docketed in a criminal case, Nob 4, 2008.
Naglabas din si Presiding Judge Paulino Gallegos ng Muntinlupa Metropolitan Trial Court Branch 80 ng warrant of arrest para sa attempted homicide na may piyansang P12,000 laban sa suspek sa ilalim ng kasong may petsang Nob. 6, 2008.
50.78% examinees, pasado sa Nov. 2024 Licensure Exam for Agriculturists
Naglabas si Presiding Judge Philip Aguinaldo ng Muntinlupa Regional Trial Court Branch 207 ng warrant of arrest na may piyansang P6,000 laban kay Atoli para sa slight physical injuries sa ilalim ng kasong kriminal na may petsang Nob. 18, 2021.
Nagsilbi rin ang Muntinlupa police ng warrant of arrest kay Armando Manalo, na nakalista bilang No. 7 most wanted person, sa Bureau of Jail Management and Penology jail sa San Pedro, Laguna noong Abril 14.
Ang kanyang warrant of arrest na may piyansang P180,000 ay inisyu ni Presiding Judge Maria Cecilia Austria-Chua ng Batangas City Regional Trial Court Branch 2 dahil sa paglabag sa Republic Act 6539 (Anti-Carnapping Act of 1972) sa ilalim ng kaso na may petsang Nob. 25, 2014.
Nakakulong si Manalo sa kulungan ng San Pedro mula noong Nobyembre 5, 2014 dahil sa paglabag sa Republic Act 9165 (Comprehensive Dangerous Drugs Act of 2002) sa dalawang kasong isinampa sa San Pedro Regional Trial Court Branch 93.
Bukod dito, dinakip din ng Muntinlupa police si Sherwin Aguila, 30, construction worker, na nakalista bilang No. 8 most wanted person noong Abril 14 sa Espeleta Pantalan, Barangay Poblacion, Muntinlupa.
Ang kanyang warrant of arrest na may piyansang P120,000 ay inisyu ni Presiding Judge Liezel Aquaitan ng Muntinlupa Regional Trial Court Branch 205 para sa tangkang pagpatay sa ilalim ng kasong may petsang Marso 2, 2022.
Ang suspek na si Mark Louie Lozano, 29, ang No. 9 most wanted person ng Muntinlupa police, ay naaresto noong Abril 14 sa National Road sa Barangay Tunasan, Muntinlupa.
Naglabas si Presiding Judge Aguinaldo ng warrant of arrest na may piyansang P200,000 laban kay Lozano para sa lascivious conduct sa ilalim ng Republic Act 7610 (Special Protection of Children Against Abuse, Exploitation and Discrimination Act) sa ilalim ng kaso na may petsang Peb. 14, 2022.
Si Lozano ay nakakulong sa Muntinlupa City jail mula noong Marso 1, 2022 dahil sa paglabag sa Republic Act 9165 (Comprehensive Dangerous Drugs Act of 2002).
Samantala, si Reneboy Payong Ayong, ang No. 10 most wanted person ng pulisya, ay nasilbihan ng warrant of arrest sa Biñan City Jail sa Biñan, Laguna noong Abril 13.
Naglabas si Presiding Judge Aquaitan ng warrant of arrest nang walang piyansa laban sa kanya para sa qualified possession of a small firearm sa ilalim ng Republic Act 10591 (Comprehensive Firearms and Ammunition Regulation Act) sa isang kaso na may petsang Marso 14, 2022.
Nakakulong ang suspek sa Biñan City Jail simula noong Marso 18, 2022 dahil sa paglabag sa Republic Act 9165 (Comprehensive Dangerous Drugs Act of 2002).
Pinuri ni Southern Police District director Jimili Macaraeg ang Muntinlupa police sa ilalim ni Col. Angel Garcillano, hepe ng pulisya, sa pag-aresto sa mga most wanted person.
“I am pleased with the dedication shown by our policemen because of their relentless operations despite our observance of Holy Week (for Catholics). This only indicates that your Southern Metro Police will do their mandated job anytime and focus not only on illegal drugs but also on hunting wanted persons to bring them to the folds of justice and to answer for their crimes,” ani Macaraeg.
Jonathan Hicap
