MJAS Talisay City Aquastars, winalis ang VisMin Cup Visayas leg first round-Balita

MJAS Talisay City Aquastars, winalis ang VisMin Cup Visayas leg first round

Ni Edwin Rollon

ALCANTARA — Pinatunayan ng MJAS Zenith-Talisay City ang pagiging pre-tournament title-favorite.

Napanatili ng Talisay City Aquastars ang malinis na marka sa pagtatapos ng first round nang pabagsakin ang Tabogon, 85-65, nitong Martes para sa ikalimang sunod na panalo sa Alcantara Civic Center sa Cebu.

Matikas na nakihamok ang Tabogon sa kaagahan ng laro at nakadikit sa 34-39 sa unang minuto ng third period, ngunit humaribas ang Aquastars , tinaguriang pre-tournament favorite bunsod ng presensiya ng mga tigasing ex-ABL playersL tungo sa 28-10 run para palawigin ang bentahe sa 23 puntos, 67044, tungo sa final period.

Sa final period, hindi na bumitaw ang Aquastars, sa pangunguna nina marksman Patrick Cabahug, athletic wingmen Egie Boy Mojica at Jaymar Gimpayan, na nagsalansan ng 26 puntos sa matikas sa scoring run tungo sa ikalimang sunod sa sis-team tournament.

Nagsalansan sina Cabahug at Mojica ng tig-13 puntos. Nag-ambag si Gimpayan ng siyam na puntos at siyam na rebounds, habang kumana si big man Jhaymo Eguilos ng walong puntos, pitong rebounds, tatlong assists, at tatlong blocked.

Sa kabila ng dominanteng kampanya sa first round, ayaw pakampante ni MJAS-Talisay head coach Aldrin Morante.

"Yung mga teams paghahandaan kami niyan kaya hindi kami puwede magkumpiyansa," pahayag ni Morante. "Babalik na rin yung mga players ng ARQ kaya dapat namin paghandaan 'yun."

Nanguna sa Tabogon si Cebuano star Gayford Rodriguez na may 18 puntos at limang rebounds. Ang 6-foot3 na si Rodrigiez ay dating PBA draftee ng Rain or Shine. Kumasa naman sina Arvie Bringas sa naiskor na 16 puntos, 10 boards, dalawang assists, at dalawang steals, habang tumipa si Joemari Lacastesantos ng 13 puntos at apat na rebounds.

Sisimula ng MJAS-Talisay ang kampanya sa second round laban sa Tubigon Bohol ganap na 3:00 ng hapon sa Huwebes, habang makakaharap ng Tabogon ang ARQ-Lapu Lapu ganap na 6:00 ng gabi.

Iskor:

Talisay (85) -- Cabahug 13, Mojica 13, Gimpayan 9, Eguilos 8, Moralde 7, Dela Cerna 6, Villafranca 4, Hubalde 4, Albina 3, Alvarez 3, Santos 2, Menina 2, Ugsang 2, Cuyos 0.

Tabogon (65) -- Rodriguez 18, Bringas 16, Lacastesantos 13, Delos Reyes 5, Orquina 3, Vitug 3, De Ocampo 3, Sombero 2, Bersabal 2, Diaz 0, Caballero 0.

Quarterscores: 23-13, 39-34, 67-44, 85-65.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...