IPINAHAYG ni Health Secretary Francisco Duque III nitong Huwebes na marami pang gagawing hakbang ang gobyerno para masolusyunan ang teenage pregnancy sa kabila ng patuloy na pagbaba ng bilang nito.

“While there is (a) downward trend in the rate of adolescent or teenage pregnancy, it should not be missed that the rate in the country is twice as high compared to the rates in Southeast Asia. Thus, we have a lot of work to do,” lahad ni Duque sa kanyang talumpati sa Kapit Kamay Summit sa Pasay City.

Layunin ng pagpupulong na talakayin at lumikha ng multi-stakeholder solution – mula sa mga sektor ng edukasyon, kalusugan, development, child protection, media and technology, at sa komunidad – na solusyunan ang teen pregnancy.

Iprinisinta ni Duque ang mga resulta ng 2017 National Demographic and Health Survey, kung saan nakita ang pagbaba ng bilang ng adolescent fertility rate o birth rate asa 47 mula sa 1,000 kababaihang edad 15 hanggang 19, mula sa dating 87 mula 1,000 noong Mayo 2013.

Ang bilang ng mga kababaihang edad 15 hanggang 19 na nabuntis at nagsilang ng sanggol ay bahagyang kumaunti mula sa 10 porsyento noong 2013 sa 9 percent, aniya.

Bukod sa social implications, sinabi ni Duque na ang maagang pagbubuntis ay maaaring makapagdulot ng kumplikasyon sa ina at sa dinadalang sanggol kumpara sa “delayed” pregnancy.

“There is preterm delivery where a child is born in less than the normal 37 weeks. It also results (in) low birth weight, which affects the health of the child before it could even lead to death, and children born to adolescent moms are more likely to die compared to children of older mothers,” aniya.

Ayon sa 2015 data mula sa World Health Organization, sinabi ni Duque na ang maternal conditions ang nangunguna sa mga karaniwang sanhi ng pagkamatay ng mga kababaihang edad 15 hanggang 19.

Upang masolusyunan ang maagang pagbubuntis, inilatag ng DoH ang adolescent development program na layuning masiguro ang ligtas na kalusugan at pamumuhay ng lahat ng kabataan.

“It provides interventions to reduce occurrence of teenage pregnancies, including health promotion and advocacy campaigns through quad media, establishment of adolescent health care facilities, and capacity building for program managers and front-line health workers to be equipped in providing adolescent-friendly health services,” ani Duque.

Kabilang din sa programa ang tuluy-tuloy na pananaliksik upang masiguro ang multi-sectoral approach sa pagresolba sa problema.