TULOY ang pagkilos ng Philippine National Police (PNP) para masawata ang ilegal on-line sabong.

At sa isang pagkilos, mismong mga miyembro ng kapulisan ang natyempuhan ng mga mga elemento ng Integrity Monitoring and Enforcement Group (IMEG), dating Counter-Intelligence Task Force, sa pamumuno ni Police Colenel Romeo Caramat, na nagsasagawa ng on-line sabong.

Kaagad na dinampot sina PSSg Erwin Gobis , PSMS Demetrio Laroya, PCpl Ariel Pasion, na pawang naka-assigned sa Health Service; PSSg Gerry Ocampo, Crime Lab; NUP Leo Ocinar ng RMD, DPRM, dating Policeman Fidel Agustin at Teddy M Carpio, may-ari ng on-line game etablishment sa Belen Lutong Bahay Restaurant, 3rd Ave, Bagong Lipunan, Cubao, QC.

Nakuha sa mga suspect ang mga ebidensya na P14, 430 bet money, dalawang television set na ginagamit sa on-line gambling, digital video recorder para sa CCTC, 1 rolyo ng betting ticket, 2 signal HD digital box at 23 bote ng alak.

'Aapela raw!' John Amores 'di tanggap pagkawala ng professional license?

Isinagawa ang operasyon batay sa sumbong ng ilang nitizens, gayundin bilang pagtalima sa kautusan ni PNP Directorate For Operations Police Major General Mao Aplasca para sa agarang pagkilos upang masawata ang umano’y illegal na e-sabong na isinasagawa ng Manila Cockers Club, gayundin sa mga Off Cockpit Betting Stations (OCBC) gamit ang Manila Jockey Club Off Track Betting Stations (OTB).

Kaagad ding beniripika ng PNP ang lisensya ng naturang establisiyemneto sa PAGCOR at napagalamanang wala itong kaukulang lisensiya at permit para mag-operate ng e-sabong. Ayon sa PAGCOR ang tanging e-sabong license na kanilang pinahintulutan ay ang Philippine Cockfighting International Inc. (PCII) na matatagpuan sa 2nd Flr. KACC Philmade Annex Bldg cor. J. Abad Santos & Quirino St. Clarkfield Pampanga.

Nitong Hunyo 8, pitong OTBS ang sinalakay ng PNP matapos makatanggap ng sumbong na ginagamit ang mga ito sa on-line sabong.